[سعيد محمد الملحي]

بسم الله الرحمن الرحيم[/size]

السلام عليكم ورحمه الله وبركاته...

هذه قصيده الشاعر سعد بن سعيد السبيعي

في الشيخ صحن بن غنيم السبيعي

بيني وبين الشعر لزمه وميعاد=لاقمت في اليوم الكبير انتخيبه
وحصنه من هرج شاعر ونقاد=اختار صاف الشعر واترك سريبه
في مدح شيخ لابس درع الامجاد=حلال عسرات الامور الصعيبه
شيخ ينوخ لصعايب ولضهاد=له وقفتن كم فرجت من كريبه
حصل على الف ونعم يوم الولي راد=تنوشه هقواته ولا ينهقيبه
صحن كبير القوم حلال الاعقاد=امقدمه قدم المناعير طيبه
بنا مقام الطيب وارساه بوتاد=وطلع لها في العالي من الرقيبه
وجه وجاه وطيب وافعال وشداد=تخضع له وجيه المراجل راكبن في نجيبه
من روس ربعن طيبهم من عصر عاد=يوم السنين الكايدات العصيبه
متوارثين الطيب من روس الاجداد=حمايت التالي نهار الحريبه
الي وفو يوم الوطن حرب وجهاد=يرمون واسهمهم تصيب الضريبه
على ايدهم رفرفة راية بلاد=وتحقق الامن الكبير ونصيبه
هم قوم اخو نوره على ظهور الاجياد=وهم فزعة الدين الحنيف القطيبه
ياحاتم الغلبا على روس الاشهاد= مافيه لاشكه ولافيه ريبه
اصحونكم للضيف تملا من الزاد=وصدوركم للضيف دايم رحيبه
يلقا ببيتك طيب وشداد وقناد=وسوالفن تبري الجروح العطيبه
سوالف تدرج كما المسك والكاد= ما دار فيها هرج نمه وغيبه
بيتك لروس القوم مصدر وميراد=من جار وقته يزبنه يلتويبة
ينصونه ضيوفه جماعات وافراد= احدن يكرم وحدتبرك ركيبه
في بيت ابو بندر عمي كل حساد= له موقف كل الرجال تحكيبه
حضرت ابارك له على كل مافاد=مبروك فوزك يازعيم الكسيبه
تسوق شعلن شدة ذهون الاسياد=سمح الوجيه ام الوصوف العجيبه
شعلن ماساقوها هل الابل بلابياد=تركي على كبد المنافس لهيبه
ياهل المرى لويكثر الجمع وشعاد= لافاتكم الاول فلاهي غريبه
خلو تنافسكم على الثاني وغاد=المركز الاول لها وتحضيبه
لكن ياهل الطرش خلو لها الماد=خلو لها الدرب الوسيع تحديبه
هزع المواخر والمقاديم سناد=وظهورها مثل النصوب الهريبه
وخدودها مثل المصاحف بلاوكاد=هدل السبال الضافيات الشريبه
علط الرقاب اللي مثل وصف الاجراد=العاريات النايفات الطنيبه
متفهقت لذنين فجاً في لعضاد=وفقارها من يركبه ينتحيبه
تزوم في الممشا وتختال بعناد=كنها تقول الزين لي وادعيبه
قطما المواطى قطم والصدر منقاد=هزع العراقيب الكبار الصليبه
تطرب على صوت الموده الياناد=شعلن مواليفن اخفاف طريبه
ام الجمال متعبن كل قصاد=مهما نقول من القصيد ونجيبه
لاجا المرى والجمع يزمي ويزتاد=المركز الاول تفوز وتجيبه
مايقتنيها الاقوي زند وزناد=همه شراها ما يهم الي هيبه
لاشافها بالعين با اعلى ثمن زاد=مثل ابو بندر كل طيب يحريبه
يالشعل فوزي وطربي وقت الاعياد=شوشي وراعيك اطربي وافخريبه
اهلك هل الابل من على عصر شداد=نطاحت الهيجا نهار المصيبه
يوم المغازي والحرايب والانكاد=خيالهم على العدا يندعيبه
ذيدانهم ترعى وين ماجاد= مارددت من مرتعن تهتنيبه
ماردها من يمه الخوف رداد=ولاتوخذ الجزيه عليهم غصيبه
ترعى ديار القوم محدار مسناد=وسم العريني فوقها تجتريبه
أنتم هل الشيخه مذاخير الاجواد=عرف ومقام ولين وجانب وهيبه
يومن بعض الشيخه اثيابها جداد=ما صارت الا في السنين القريبه
اي والله افخر فيك ياذخر الامجاد=يا الي ليا جار الزمان اعتزيبه
يامفخرة ربعه وياوجه الاسعاد=يامن عن الوقت العصيب احتميبه
وافخر بعد بعيالك ونعم الاولاد=الاصل طيب والمساند عريبه
اعمهم بالمدح من دون تعداد=الكل منهم في الطلب ينعديبه
واثني على بندر لعله في الاوجاد=لعل صكات الدهر ماتصيبه
عن واجبه قدم المناعير ماحاد=في حضرته مدح العرب يستويبه
له في سنام المجد مركا ومقعاد=من يطلب المجد العلا يقتديبه
عليه منك ومن مزاياك مشهاد=نشاء على الفعل الشريف وضريبه
يذكر ويعرف عند الاجناب الابعاد=يومن ولد الاش مايندريبه
على الوفا والصدق دارب ومعتاد=حي ذا المقام وذا السجايا الاديبه
في مدح أبو سلطان يزهن الانشاد=وتوارده جل البيوت العذيبه
متمجد في أعلا المراجل تمجاد=شيخ تسلسل من علاوى جذيبه
خلق وكرم وأذكار رب وتعباد=الله على جزل الفعايل يثيبه
وصلاة ربي عد مادن رعاد= على نبياً أمته تقتديبه

[/poem]