رد : قصيدة في الشيخ زيد المليحي
كُتب : [ 09 - 02 - 2007 ]
اقتباس:
المشاركة الأصلية كتبت بواسطة مخايل الغربي
بسم الله الرحمن الرحيم
يقول اللي رمع للقاف هاجوسه وصاغ بنـاه =كما صوغ الجنيه اللي يميز رمـزه السيفـي
تهيض خاطره واللي ورا خافي الضميرأبداه =بعد ماحل في ساحة ربيع الجـار والضيفـي
عسى غر المثايل من تواضعها تنال رضـاه= تنال رضاه ورضا اللي يحضر من العواريفي
قطفنا من سنام الشعـر ماطـاب وتحاسنـاه =تماثيلٍ بريه مـن مجـال الشـك والزيفـي
تعابيرٍ كما غيـدٍ بيـاض ثغورهـن مشهـاه =يهاون الكريم اللي بفعل الطيـب قـد شيفـي
يغازلهن شريف السلم ويعـود بعـز صبـاه= ليامنـه تولـع فـي غريبـات التواصيفـي
تسامى يم نجم سهيل واليا صافحـت يمنـاه =تعم اللي لهـم بالطيـب عـادات ومواقيفـي
جواهرها تصافح زيد عقب معانـق محيـاه =على وضح النقاء والورق يسجع بالغطاريفي
نظمناها وجبناهـا بطابعهـا ذهـب مهـداه= لابو بدر اللي له مع الوفاء عهـد ومحاليفـي
كريمٍ ماذكر بالبخل فـي مالـه ولا بالجـاه =ذرى وظلال من يشكي من الدهرالصواديفي
صخيٍ في ندا كفـه وعجـل للهشـال قـراه= يبين النور بحجاجه من الفرحه ليـا ضيفـي
كما شط الفرات اللي يبرهج كل ظامـي مـاه =ببيتٍ كنـه المينـاء بتخريـج المصاريفـي
مشرع جامعه دايم ومن جاء قاصـده يلقـاه =كما عال الجبال اللي علـى ماحولـه منيفـي
تعرفه كل أهالي نجد بأكملها حضـر وبـداه =وماحدت جهات الاخضر من السيف للسيفـي
تشتي عن برود الشبط بعض الناس في مذراه= وفي ظله تفيا كل ماجـاء موسـم الصيفـي
على الناموس والطاله بنى صرحه وشاد حجاه= ملاذ لمن شكى دايم مـن الخـلات والحيفـي
يامال العز يابيتٍ محاويـج العـرب تنصـاه بناه =اللي من أجل الطيـب ماعـد التكاليفـي
يقصدونه هل الحاجه من أقاصي الوطن وأدناه =مثل ما يقصد المسني ديـارٍ جايهـا الريفـي
أبو بدر اللي شعار الوفاء والطيب من سيمـاه =كما هتاف غيثٍ ماتجـي معـه العواصيفـي
عسى الحسدان والرديان وضعوف العزوم فداه =فدا اللي دون ربعه يارد الماء الكدرلاعيفـي
أخصه والمدايح للحضـور ثيابهـا مضفـاه =على الغلباء مقلطة الشحم للضيـف والكيفـي
مزبنة الجريـم اليـا زبنهـم والطـرد وراه =بطيب السلـم والا حـد سـلات المراهيفـي
وأهل بوشٍ ليا طاح الحيا يم الخطر يرعـاه= يشد له السلف لو الخطر مـن يمـه مخيفـي
زمان الحرب يوم الناس كلٍ دون حـد حمـاه =يحلون الخطر لاهيـب بالعـرب المشاعيفـي
هذا والشعر يكفي عن كثيره صايبه وأحـلاه =يقوله قبلنـا راكـان مـا يحتـاج تعريفـي
وأنا ماقلت قولٍ مـا يوافـق واقعـه معنـاه= ومدحي للكريم يزيد مـن قـدري وتشريفـي
وأختمها بذكر اللي بعث فينـا النبـي بهـداه =عدد مالاح نور البـرق بالمـزن المراديفـي
الشاعر محمد بن محسن بن عمره منقول
|
بيض الله وجهك يا عمري على نقل هذه الرائعه
من ابن عمره والشيخ ابو حسين يليق فيه المدح
|