اضع بين يديكم هذه القصيده للشاعر سلطان بن عايض الصندلي السبيعي
موجهه الى الشاعر حمدان بن فايز العتيبي في دولة الكويت
راكب اللي حركوها من مطار الطائرات / قادها رجلن مسيحي ولايقراء عربي
استقلت وحدها مثل وصف الحايمات / في كبينتها سعودي من ديار النبي
تشتغل باربع مكاين وست محركات / لونها كحلي مميز ومخالطه ذهبي
وأكتمل فيها شروط الحصانه والنجات / كل سيد في المهمات يوجدله صبي
واهبطت في دار الكويتي وقت المبات / وحضروا له مايريده وجابو ما يبي
سلموله موتر ماعليه ملاحظات / واتجه لبيت حمدان غاية مطلبي
فارس في الرجوله وخاتم كل الصفات / يحسب حسابه القرابه ويعني ألاجنبي
والمراجل واضحة في عصور ماضيات / منسبه يا أهل النسب من معادن منسبي
وله خوان في المراجل يدين طايلات / ياعسى شمس الوفاء والوفي ماتغربي
من سلايل لابتن بالسيوف المرهفات / يذكرون افعالهم في المواقف ترهبي
وفي المعاني لا لفتنا بيوتا محكمات / ماذكر فيهم مخادع ولا فيهم غبي
وزيارة واجبه في الليالي المقبلات / شوفكم ياعيالنا راس مالي مكسبي
والتواصل في الزياره علينا واجبات / مايصير ان كل منا عن قريبه متغيبي
والحقايق واضحه نذر دون مجاملات / من ضميري قلتها ثم كتبها مخلبي
وهذا رد الشاعر حمدان بن فايز العتيبي على القصيده
مرحبا برسالة مالفت في الناقلات / جت على سلك الهواتف وسلك الكهربي
التقطها الفكس وحروفها جت واضحات / ماتبي ضمه وكسره وحرفن ينصبي
حين قالو في التلفون جاك مكالمات / من جلوسي فعت فرحه على روس اركبي
مرحبا ياصوت سلطان عبر الكيبلات / مع خطوط المملكه للكويت منجبي
صوت رجلن للعواني يحط مفطحات / ماشترى للضيف كيلو لحم من مقصبي
وان لفاه الضيف يلقى الدلال مبهرات / وللرجال البن وبهاره احلى مشربي
في مشب النار حول الوجار مزهبات / مزهبات ماهواهن وجام مربربي
وان رجعنا للمثايل بيوته وافيات / مطرقه للشعر سلك ولا فيه انكبي
شاعرن توه بداء الشعر من خمس سنوات / بس يدحم شاعر الملعبه بالمنكبي
لو زهم عدل القوافي يجنه واردات / ويشربن بروسهن من طويل المجذبي
يوم اميز شعر سلطان واقراء المفردات / كن شعره شعر ابن عون ولا ألاكلبي
ومثل ماسلطان للشعر واق النايفات / كم قبل سلطان وايقت انا من مرقبي
وكم وطت رجلي فجوج الديار الخاليات / وكم على متني نقلت الصميل ومزهبي
وكم تعرضنا السمايم ولفح الذرايات / في نهارن من سمومه يصر الجندبي
وكم برشنا للمقاييل تحت الناميات / تحت ضل الطلح والسرح وايضا التنضلي
وكم اسج الرجل عساس اعسبها النبات / ومر ياسلطان اسج السماري مذهبي
والمواصل بالهواتف كثير الفايدات / والمصافح باليماني تراه الاطيبي
شرفونا بالزياره قبل وقت الممات / قبل جسم المرو بالخام الابيض يعصبي
وتم ما عبرت ابه واطلب الرب الثبات / حين اجي في مظلمن في المقابر مرعبي
ويا مبدل ذنب من تاب واقلع بحسنات / ربي اغفر ذنب عبدن لجالك مذنبي