أصبر ونفسي تضايقني وأنا اهداها *** وقـــول لابــد خــالـقهــا يـفرجـهـا
وان ضاقت النفس أسليها بممشاها *** وابـدي بهــا مرقبـاً خالي وهرجهـا
أخيـر من جلسةً يزعـجني حكـاهــا *** سفهــان ناســاً سوالفـها تـعلجهـا
ناسـاً تـصرافـهـا يـكشـف نواياهــا *** كنك على كــل ماتكــره مبـرمـجـهـا
ما ناب نـلام لاقفـيــنـا وعــفــناهـا *** قـــدام عـوجــاً وخيـماتاً نـتايـجـهــا
كـم سـلـعـة قـد شـريـناها وبعناهــا *** مـا تقـني النــاس شياً ما يخارجهــا
نبيع بعض السلع لو غلي مشراهـا *** لاصــار فـيهـا عذاريـبـاَ تسـمـجـهـا
من جـامل النـاس ولاطاوع ارياهـا *** يبلـونـــه بعلــةً يصعــب مـعـالـجـها
الناس يصعب عليك تحقق رضاهـا *** لـو فـوق غاربـك بيــت الله تحججها
فعارض قروم الرجال وجنب أرداها *** وأعبر طوال الدروب وجنب أعوجهـا
ولا تـارد الا عـدوداً تفـتـل رشـاهـا *** ولا تـطــالـب رجــالاً منـت فالــجـها
ولاترغم العين كون بشوف اعزاها *** ومجـالــس الطيبـيـن اللـي يتوجـهـا
الشاعر/ محسن بن طامي المكحلي