يا سبيع إلكم تحيه يـا عريبيـن الجـدود = عد ما تثمر جبابير النخل هـدب الجريـد
كُتب : [ 02 - 01 - 2009 ]
أهل النخوه
قصيدة الشاعر / سلطان بن مسلط العصيمي في قبيلة سبيع الغلباء وأهل الخرمه ألقاها ابنه ( شبل الهيلا ) المنشد / عبدالعزيز العصيمي في أمسية شعريه بالخرمه يوم 13/12/1429هـ
يا سلام الله عليكم عد همال الرعود = لأمطرت بأمر الولي قامت من المنشأ تزيد
يا سبيع إلكم تحيه يا عريبين الجدود = عد ما تثمر جبابير النخل هدب الجريد
عد من صلى وسبح بالركوع وبالسجود = وعد من لبى وكبر ثم ذكر يوم الوعيد
يا هل الخرمه لكم من مهجتي باقة ورود = من مرحب بالفؤاد ومصدره حب جديد
يا سبيع إلكم تحية يا أسود من أسود = يا هل غروس مظاليل تسقيــــــــــــها العبيد
يا حماة الغرس لاندست وجاء لطم الخدود = احتموها بالمشوك يوم جاء العلم الوكيد
يا هل إبلٍ ترتعي بديارها من كل عود = ترتعي بديارها ما تبغي عقــــــــالٍ وقيد
لا مشت قامت تباها ارفقي يأم القعود=تلتفت لا سمعت اللي جر صوته بالنشيد
من طمع فيها يموت وينخمد وسط اللحود = دونها الغلباء سبيع وباسهم باس شديد
والعدو يا شين فاله لاعتدى قادوه قود = لاعتدى قادوه قود وراح ما يسوى هريد
يا هل سلاح يصيب المعتدي وسط الكبود = يردعون المعتدي واللي طمع يبعد بعيد
يا هل الخيل الأصايل تردع الخصم اللدود = ينطلق لو صاح صايح لو تربط بالحديد
انشد التاريخ عنهم من على عصر الجدود= انشد التاريخ عنهم وانشد الخصم العنيد
كاسبين المرجله واللي كسب يرجع سنود = كاسبين المرجله والعز والرأي الرشيد
المراجل ما تهيا للنيام وللرقود = من زرع هبت هبوبه ثم جنـــــــــى حب الحصيد
يا هل بيوت مبناة ومنصى للوفود = عاليات شامخات كنـــــــــها بـــــــرج الوليد
يا هل بيوت مبناة يعد إلها عدود = عامرات بيوتهم وفراشـــــــــــها زلٍ جــديد
والدلال مسطراتٍ كنها صف الجنود = وسطها البن اليماني جايبينه مــــــن بعيد
أهل نخوه وأهل قاله وأهل تقوى وأهل جود = يكرمون ضيوفهم والله على قولي شهيد
جارهم ما يشتكي ما يلهدونه باللهود = يا عزيزين الجوار ومن قربهم يستزيد
العتيبي قال وخلق الله على قوله شهود = اسمعوا يا سامعين وليلكم ليل سعيد
ثم صلى الله على محمد عدد وبل الرعود= وعد نوٍ لا تحدر قامت مزونه تزيد
منقول .
|