[شاعر بني عامر]

يامرحبا ومسهلا فيك أخوي خيال الغلباء شرفت صفحاتي في أطلالتك

ولاهنت على تعليقك يالغالي لاكن أحب أوضح لك تشابك القصص ببعضها ووضع بعضها في خير مكانها


أخوي هالمعلومات مانجيبها الا من شيبانا ومن شيبان هل الخرمه بذات

لأنهم هم اللي يحفظون السوالف عن سبيع وأكثر ربعك الحداريه اللي هنا يخلطون الحابل في النابل

وبالنسبه للقواودة او القريشات او النبطه كلهم بني عم وفعلهم واحد وان غزو او صارت لهم وقعة سمو بسبيع

لأنهم من أبناء سبيع وعلى العموم انت ذكرت ان الوقعه مسماه (بيوم النقاء ) في عام 1145هجرية بين سبيع والظفير

وكثير حروب سبيع مع الظفير وماهي قليلة واما بالنسبه للي تكلمت انا عنها ماهي بيوم النقاء

وهي حصلت قرب السماوه من العراق مع القواودة من سبيع والدليل اختلاف التاريخ والمكان اللي انت وضعته

خاصه من المؤرخ البسام اللي ذكر في كتابه :

(وبعدها يوم سفوان ( بالقرب من البصرة ) عندما قال : ابن بسام في أحداث عام 1194 في كتاب تحفة المشتاق ص 89 مانصه ( وفيها أغاروا سبيع على بوادي الظفير وهم على سفوان الماء المعروف عند البصرة فأخذوا (عليهم ) ابلا كثيرة نحو أربعة اّلاف بعير )


والفعول كلها وأنا أخوك تكتب بأسم سبيع لاكن أنا ما أنقل عن لساني وأنما أنقل من لسان شيبان

أكبر مني ومنك طال عمرك وأتمنى تكون أتضحت لك الصورة والفرق بين الوقعتين يالسنافي




والسلام ختام