[خيَّال الغلباء]

بسم الله الرحمن الرحيم

قصيدة الشاعر / قاسى بن فهيد بن شبنان الرويبي السبيعى

قال ابن شبنان في مبتدا هرجن بداه
= مبتدا علمن يصونه وقولن ينتقيه

لا بدعنا القاف نشقى ونتعب في بناه
= خايفن ينقد كلامي هل الفكر النبيه

مشتري ياكود في سوق يعجبني غلاه
= اتخير في الغوالي واجيب الي نبيه

شارد القيفان يارد لفكري من هواه
= وفي اللوازم لا بغيته مغير اختار فيه

كل علمن لابغيناه ناصل منتهاه
= وقول ماله ساس ماينفع الي يستميه

بعدها في ضيافة اللي لهم قدرن وجاه
= لاد مكور عزوتن من نصاها ما يتيه

باسم ابو نايف عسى الله يطول في بقاه
= مرحبا ترحيبتن كلن طيبن تحتويه

مرحبا باللي لنا وقت وانا في حراه
= ونتشرف في قدومه ونحتفل بمجيه

مرحبا يا شيخنا اللي يشوقنا نباه
= طيبن من طيب ساسه وجدانه وابيه

مرحبا به عد ما هل وبلن من سماه
= ردتن تثنى على ضيفنا ومرافقيه

ومرحبا باللي لفانا ولبى من دعاه
= من شيوخ سبيع واعيانها واهل الوجيه

ومن لفانا من القبايل يزود في غلاه
= يوم لبى دعوت الداعي اللي مهتويه

اكتبي يا صفحة المجد لاقلام الرواه
= احفظي شين بقوله وشين سجليه

ودي اوضح كلامي واعلم من غواه
= والفهيم يزيد فهمه ومرجعنا اليه

الرويبي والمليحي على اللي بيخفاه
= صلب جد وكل قولن نقوله نحتميه

جده كوير ابن راشد وساسه وانتماه
= يتفرع من سلايل كوير ويرد فيه

المليحي ذي دياره ومربى قد رباه
= موطنه لاصلي هنيا وجبرن ما نسيه

يوم وقت الجاهليه وغزوات الغزاه
= عان دوك الجرثميه مسماتن عليه

وقت ابن جرثمام راس الصناديد الدهاه
= ثبت حدوده وجاله حمن محدن يجيه

وعده مليحه عدودن رسينه في حماه
= يلطم الطماع وي يورد اللي يشتهيه

عاش فيها مكرم اصحابه وكاعم عداه
= يوم كلن طيبه تظهره مدت ايديه

وبعد قال اللي عسى الله يطيب في ثراه
= يا أهل التوحيد الدين وين مناصريه

شاركو عبدالعزيز بفتوحه ومغزاه
= لين وحد مملكتنا على الدين النزيه

واستقرو في مكانإ يشوق من لفاه
= حيهم في العاصمه كل حين يمتنيه

لله المنه ويستاهل الشكر بعطاه
= يشكر الله كل عاقل ويرفع له ايديه

نعمة الاسلام والحكم ننعم في رخاه
= يا عسى عبدالعزيز النعيم ووالديه

ومن بعده اعياله اللي مشو دربن مشاه
= نعم والله في المؤسس ونعمن في بنيه

نعم ملك اخوان نوره مطوعت العصاه
= تنصر المسلم وتضرب على راس السفيه

لين صرنا اليوم في عهد ما يوجد سواه
= عهد ابو متعب عسى الله يعزه ويحميه

قايدن للشعب غيثن تنثر منه ماه
= عم كل الارض وبله وخيره مقتفيه

ودوك ابو خالد على العهد ننعم من سخاه
= الكرم والطيب ثوبن لشخصه مرتديه

وذاك نايف في الوزاره مثل ضلع السراه
= شامخن والشعب يلقى الذرا في جانبيه

وياالله احفظ مملكتنا من اطماع العداه
= واحفظ آل سعود والشعب دم فضلك عليه

والنهايه منتهى القول كنه مبتداه
= مرحبا ترحيبتن كل طيبن تحتويه

وهذه قصيدة الشاعر / ثواب بن بدحان بن هدهود الرويبي السبيعي فى حفل قبيلة الروبه من سبيع بمناسبة زيارة الشيخ / زيد المليحى

من الشاعر اللي لا حضر فالمواقف بان
= يخلي هزال الهرج ويدور خياره

يغوص البحر يبحث عن اللولو والمرجان
= وينقا بيوت الشعر من شرد أفكاره

عسى الله يجملني علا بدعة القيفان
= وهذا الموقف اللي يندب الشاعر أشعاره

عن الشيخ مترك ابن نايف بن قريان
= راع الشور وانا ما نجنب عن أشواره

وباسم ربعي اللي جالهم بالوفا عنوان
= آلا الرويبي رمز لطيب وشعاره

هلا مرحبا ترحيب من خاطرن شفقان
= تهلي صغار القوم وترحب كباره

هلا مرحبا ترحيب من غالي الأثمان
= نسوق الدلال وندبل البن وبهاره

هلا مرحبا ترحيب بالمسك والريحان
= على شيخنا اللي يرفع الراس محضاره

هلا مرحبا بزيد المليحي رفيع الشأن
= هلا مرحبا به بين ربعه وفي داره

تراكم لنا يا زيد من ماضي الازمان
= وحنا لكم في صافي الوقت وأكداره

هنيا لكم ديره ولك ربع واستيطان
= ومكانن ليا ذلحين موجوده آثاره

ولا هوب والله هرج وقفه وقول لسان
= لا والله كلام الحق وموثق أصداره

قرينا من الكتب وسمعنا من الشيبان
= وتنشد كبير القوم ينبيك بأخباره

يخبرك بأنا كلبونا ربع وأخوان
= ويمنن بلا يسرا علا الغبن صباره

تربطنا قرابه من علا سابق الجدان
= وتبقا كما كانت ولاهيب منهاره

وترا شاننا واحد وجيتكم البرهان
= ومن زارنا يزيد حبه ومقداره

وأعود علا من يكسب الطايله لاهان
= ذرانا ليا من الزمن ثور غباره

يازيد أنت ذكرك فخر لربوعك السبعان
= وشرواك نفخربه ونفرح بمسياره

وترا ذكرك الطيب يسابقك للأوطان
= وراع العلوم الطيبه تطلع أذكاره

ويمنن تمد الجود وتقدم الاحسان
= عساها من الشر ومن أسبابه مجاره

راع المده الي تغني الجايع العطشان
= تقدم يمينه دون ماتعلم يساره

وراع الفزعه اللي تنفتح قدمها البيبان
= يهولك بميراده ويعجبك مصداره

يجيها بعزم الصامل الراهي المشتان
= وراين سديد" مايجنب عن الشاره

رقا بأسم ربعه للعلا والكريم معان
= وظهر مثل نجمن بالسما تسطع أنواره

لك الشكر منا زود يازيد والعرفان
= علا الجيه وصبرك علا البعد وأخطاره

ولنا منك ياربعك من كبارن وشبان
= علا أقل حاجه كل عيدين بزياره

نقوي بها صف التواصل عن النسيان
= مدام أن ظروف الوقت عجله ودواره

وختام البيوت الله يجمل عن النقصان
= وعساني من الي لعتذر تقبل أعذاره

وتقبل سلام أخوك ثواب ابن بدحان
= وأنا لي سنين أعطي علا شوفك بشاره

منقول وأنتم سالمون وغانمون والسلام .