[هاذه القصيده قالها الشاعر حمد بن فراج بن جمهور في الامير ماجد بن وليد بن شويه امير الفوج الرابع والعشرون رحمه الله قبل وفاته عندما علم بمرضه فتاثر وتذكره وتذكر افعال قبيلته
يقول ابن جمهور
يا بوفهد عساك تسلم من الباس=عساك تسلم يا عديم السجايا
يا بن الذي نال الفخر بنوماس=وبوه قبله قد نعته الخـــلايا
وفدغوش زبن اللي جزت عقب مرواس=لا جا نهارا فيه زرق وهوايا
ترعا بهم العرى هذا ليل الاطعاس=بين النفود وبين صلب الغبايا
يرعون من الحاير الى برق عفاس=وترعا بهم هجف البكار العرايا
وان بكر الوسمي على هاك الارواس=ذيدانهم ترشح صفوق الحجايا
وهل سربة تركض والارياق يباس=وبيمانهم تطلق سهوم المنايا
خيالت الجردى على ماض الارماس=وهل جرت تكبر عليها الرزايا
اخوان وعله مرذيت كل عرماس=كبار الحظوظ مخدمين الحنايا
جيابت الراكه على قب الافراس=يلقونها اللي يحترون الحذايا
الاجنبي معهم عزيز على الراس=وتحشم بحشمتهم ربوعن دنايا
ما قلتها قصدي مجامل وبه ناس=فعل(ن) قديم وسابق له مضايا
وصلاه ربي عد ماهب نسناس=على شفيع الخلق يوم النهايا
على النبي الهاشمي صفوة الناس=شفيع الامة يوم كشف الهوايا