[زيزوم العتايقه@]

العتايقه وبن سليم ذريه لها بندوبنود= عيال العود ذربين الفعايل
جراح بن صايل واروق موكود= حزامي لقدح زند الشعايل
وعن كلام الصدق مصير محيود= العتايقه اصلنا وراس طايل
والغلباء لنا فخر مسنود= تاجن لنا بين كل القبايل
شجره لها فروع وغصون وفنود= فنود الساس وعروق الاصايل
نزرع الأمجاد والفخر محصود= ولانسينا ابن عمنا ولد عمنا صايل
جذع من الشجره فيها الزهر والورود= يشهد التاريخ وكتاب الدلايل
سلالت زهري وخوه زهير موجود= في ديرة الخرمه لهم ساس وسلايل
اربعه سلة زهير هل الكرم والجود= ثفنان وشريان يناشد عنهم وسايل
وقعيشيش وذاهل كلهم لنا ساس وجدود= مندون ديارنا لالاح برق ومخايل
يوم الجريف وكيلة نار الوقود= محتمينها مع ربعنا بمسلالات وصقايل
قولا علي برهان ورقا سنود= ولاني بذم معر بين الحمايل
وكلا علي ميراث جده يجود= لنا الفخر بين سبيع لاجاء وقت الصما يل
وزهري رحل من الخرمه ولهوب مجحود= استقل وشال وحمل فوق الرحايل
ورد عد القصيم والعد مورود= فرع وصدر وشرع بثمايل
ونزل عنيزه ولاعد يطري شدود= سكن دارها ولها الحب شايل
واضفا عليها وضمها بلعضود= واحتماها وفيها الزرع ظايل
علوم تثبة دون نقصاّ وزود= فيها تملك ملك من عصر الاوايل
ولاقدم الحجه بليا شهود= وعن واقع الكلمه مازود كمايل
وكل القبايل والنعم بليا النقود= لهم فعولا ماتجيهم فشايل
سلة زهري اربعه وافين وحيود= بكر وعلي افعالهم تشفي جميع الغلايـل
ومسرور وعويمر لهم افعال وذكار تشود= سلايـلا منـا وفينـا ليـا قـال
ولاد الجرب هم ساس العمود= هم عزوتي واهل الفخر والفعايل
فالملاقا مانحيل ولانحود= بلفعل تاريخنا يوم الصمايل
طيبنا معروف من وقت وجهود= بلكرم نافي ونلطم كل عايل
وذلحين في نعمه وحكم ابن سعود= في نعمة الاسلام خير وفضايل
وختامها فلله الخالق المعبود= رحمتك يا الله يامنشي المخايل