الشهر مبارك عليكم للتواصل
بمناسبة سلامة سمو سيدي مساعد وزير الداخليه للشؤون الامنيه الامير / محمد بن نايف _حفظه الله_ من محاولات الاغتيال الفاشله .
الف لاباس ياللي فاتح ٍ باب دارك = ماحسبت لمطامع كيدهم والشرور
زمرة ٍ ضللوهم واخسروهم خَيارك=غرروهم وساقوهم لنار الحرور
بالشعر جيت اشارك قبل اهني وابارك = جعلها ياسنام المجد بآمره طهور
جل رب ٍ بكل الناس لـُطفه تبارك = يوم نجاك بأعجوبه ومات الفجور
قالها سيدي ياسيدي يوم زارك = العدو معثور .. العدو معثور
بامر ربي نذل عداك ونشب نارك = ونحرق اللي يزعزع امننا والسرور
كلنا رهن طوعك تحت رحمة قرارك = لاسطرنا فقدنا حسنا والشعور
من يمينك وخلفك من امامك يسارك = كلنا صف واحد والبنادق تثور
ضارمين ٍعلى قدح الوغى والمعارك = ننحر اللي يخونك مثل نحر الجزور
بالامن ياوطنا كن ليلك نهارك = ساهرين ٍ على حفظك اسود ونمور
كلنا فدوة ٍ لرضك وفدوة صوارك=قاطعين العهد نحميك من كل جور
ياوطن ..والله انه ماينزَل شعارك = راية العز دايم فوق شم القصور
وياوطن .. والله انه مايدنس وقارك = وفيه منا على وجه البسيطه يدور
اما نحيا حياة العز في ظل دارك = ولاّ الموت رحمه والستر في القبور
قالها شاعر يفخر بعز انتصارك = ضابط ٍ في صفوف الامن قلبه غيور
والختام احمد اللي سلمك وسط دارك = وجعلها ياسنام المجد بامره طهور
عايش ابوليل