[خيال المرادي]

لقد اقيم في مدينة الخرمه مساء البارحه احتفال قبيلة الغزايله من بني ثور

بمناسبة زيارة الشيخ / فيحان بن هذال بن فهيد الشيباني وجماعته

كما حضر الاحتفال مشايخ واعيان قبيلة سبيع من الخرمه ورنيه

وتخلل الحفل عدد من القصايد الترحيبيه بهذه المناسبه منها قصيده لاتحضرني

الان لصاحب المقام الشيخ الشاعر /قاعد بن سعيد ابن حزمي الغزيلي سوف نطرحها

في مابعد وكذلك قصيدة لشاعر المبدع / سفر بن نهار الثوري وهذه القصيده

لشاعر الشاب/ مقبل بن سعود بن عاتق الغزيلي بهذه المناسبه

يامرحبا وهلين ببن الحمايل = فيحان ابن مشيب شيخ الشيابين
من ذباحة الحايل لطامة العايل = عتيبه ليا من عود العلم علمين
شرفتنا ياشيخ والراس طايل = شيخن ولد شيخن على العز والدين
ونعم يافيحان مانيب قايل = لن النعم ينقص في مدح السلاطين
الا كفو يلي لك بيض الفعايل = تنشر بيارقها لك يسار ويمين
من عتيبه الي للهوايل هوايل = عون الاصاحيب و كعام المعايدين
مجدكم التاريخ فوق الاصايل = تاريخكم مجدكم وسط الميادين
المجد ماجاكم بليا دلايل = الا بشلفن ضربها فالشرايين
عتيبه الهيلا على كل هايل = شيوخن وفرسان وقومن شجيعين
وحنا سبيع معدلت كل مايل = امجادنا قد سطرتها الدواوين
كم من حريب لنا بالعين خايل = خالت عيونه ثم طلعناله العين
حنا ذرا لمعبسات الشمايل = من دونها لو يصبح الراس نصفين
وختامها مرحبا ببن الحمايل = فيحان ابن مشيب شيخ الشيابين

وفي نهاية الحفل قدم الشيخ/ حزمي بن سعود الغزيلي درع تذكاري

بهذه المناسبه للشيخ / فيحان بن هذال بن فهيد الشيباني