كما وردتني من الشاعر /مقيم ابو زويرالسبيعي
قصيدة للشاعر/ خالد بن الحميدي مسلم البهيمة الحربي
تتكلم عن بعض اسباب الزعل ومن ثم تتحدث عن روح السبيعي وخويه الحويفي..
حيث انهم كانو اخويا ورفاقه وحيث ان الدين النصيحه للمسلم اردت مناصحة اهل الشان في العفوا وهم أهل للعفو
الضغط والسكر اساس القشاره=احيان ترميبك على الشر وطيع
كم واحد.ن. باتفه سبب ياخساره=راحت حياته والسبب هرجة اجفيع
راع المرض يدمح خطاه اعتذاره=ولو ماتعذر عن معاذيره الريع
الصد عنه اخير جنب مساره=مير البلاء الفسقان عقب المراتيع
هذاك ودك تقضبه مع زراره=وتزويه لا منه تطن المساميع
مال الفسق الى الفسق والنعاره=ولا للخطاره غير اهلها من سبيع
حرب انتهت من جمع مال الغراره=غير انها روح الولد عيت اطيع
تقول ياربعي بدمي مراره=عفو عن الديه بشرع المشاريع
الاوله ماهي بزلة عياره=ولالي بخويي ياجماعه مطاميع
والثانية ماقال راع الزباره=في وقتنا الضايع توحوه لايضيع
ياسبيع ياربعي تراها مجاره=اجرتها قدام الانفاس لاتليع
ياللي لكم حق العفوا بالاماره=لاتاخذون اريال ياربعي اسبيع
فكو خويي فك مطلق الداره=البيع يوم اللقاء يربح البيع
خطرة حويغي ياعساه طهاره=عند الولي فيها نروم المطاميع
هجس.ن. تمثل عن هجوسي مداره=اما امتثلتوله تجيله مواقيع
ولاعاد ينفعكم مزاد التجاره=وانا بري منكم نهار المراضيع
ياشيب عيني لو تشوفون ناره=تموتون وانتم في سبيله مطاويع
انا رهينة عفوكم بالمغاره=وانتم بكم خبري رجال.ن. بواتيع
اسمي عفيت وما حصلي خطاره=والشكر للي يتقي ضلمة القيع
وصلات ربي عد مكرم اوجاره=عسى بعفو ربعي تنب المذاييع
على نبين شرف الله قراره=اللي لها في يوم مابه مشافيع
وسلامتكم
الشاعر/ خالد بن الحميدي مسلم البهيمة الحربي (راع الزباره)