[البدر]

جديد الشاعر محمد بن عايض البحيح حصريا لمنتديات قبيلة سبيع الغلباء قصيدة بعنوان سؤال ..؟

باسأل سؤال وجابوني يالنشامى بالصحيح = هو الغلا والحب للعشاق كذب وصدقوه
إلي يجاوبني يجيب إثبات أبي علم صريح = ما يقدر يجاوب سؤالي كود ناس جربوه
ولا كل من جرب يقول إني من أسبابة طريح = كانه كذا فالظاهر انه كان حب وخربوه
كل يـنـوح و يشتكي يقـول ما مثـلي جريـح = وش سالفة ذا الناس وش سر الهوا يانعنبوه
إن كان احد قد مات من حبة ما شـفنا له ضريح = وان كان احد مرضان ودوه الدكاتروافحصوه
اصبر بجيب العلم لك من قلب يا الوجـه الفليـح = إن كان باقي للهواء باقي كثيرة دنسوه
لكن صويب الحب يصبح لا مريض ولا صحيح = وان راح للدكتور قال الداء علاجه ما لقوه
ويـنـشـل تـفـكـيره ولا يرقـد ومـكـنونه يـبـيـح = ولا ينتبه لهروج من حوله ليا من هرجوه
إلا ليا من هرجه خله يقوم اله ويطيح = ولو قال عطني نصف مالك قال أجيبه كلبوه
واستفت أبو شيبة وابن قضعان واستفت البحيح = وان كان ما كفوك صعب اقناع من لا عاصروه

الشاعر محمد بن عايض البحيح