قصيدة البخيت في أبن فطيس
كُتب : [ 16 - 04 - 2007 ]
السلام عليكم ورحمة الله وبركاته
قصيده لشاعر / مبارك بن فايز بن البخيت السبيعي
مهداه لشاعر المليون / محمد بن حمد بن فطيس
نقلتها لكم من أحد المنتديات الشعريه
أنا أحفظ لساني من الخطا واحبسه تحبيس=ولا أبغى لساني ينفلـت مـن محابيسـه
ولكن لا شفت المرامي علـى التتريـس=رميت الهدف لا سانعت لـي متاريسـه
نجح شاطي الراحه ولا أحدٍ طلع فليـس=ونجح صاحب الفكره بفعلـه وأحاسيسـه
ونجح شاعر المليون وابعد عن التغريـس=رفع راية الجمهـور وابعـد وساويسـه
بعد قام أبو خالـد وثبـت لـه التاسيـس=وضع له برامج فـي نجاحـه وتاسيسـه
وضع له علم مرفـوع مايقبـل التنكيـس=ونجح شاطي الراحه ونجحت كواليسـه
سلامي سلام ٍ ياصل الشاعر ابن فطيـس=بعـد فـاز بالمليـون واشعـل فوانيسـه
عطوه العلـم والفـوز متلبسـه تلبيـس=ويستاهل ابـن فطيـس فـوزه وتلبيسـه
سموه المحيط اللي غويط ٍ ولالـه قيـس=محيط ٍ غويط اعمـاق ماينلحـق قيسـه
كسبها فراسـه ماكسبهـا ورا التدريـس=ولاهو من اللي ياخـذ الشعـر تدريسـه
خذاه وتبـرع بـه ولا دخلـه بالكيـس=ولاحطهـا رصيـد يمـلا بهـا كيـسـه
على موقفه يستاهـل الحـب والتقديـس=ويستاهل ابـن فطيـس حبـه وتقديسـه
تقدم لـه القعـدان ماينذبـح لـه تيـس=ويفداه مـن وفـر خروفـه مـع تيسـه
بيوت الكرم لاهل الكرم ماتبـي تلييـس=وبيت الكرم يعـرف ولـو قـل تليسـه
كلام ٍ نقوله صدق ماهو على التوجيـس=ولاني من اللي ياخـذ الهـرج توجيسـه
نبارك لكم بالفوز يـا فـارس الفريـس=ومـن عـادة الميـدان يطلـع نباريسـه
كلام ٍ على معناه ما هو علـى التلميـس=ولا نيـب اقولـه لجـل أدور بهانيسـه
وانا من سبيع اللي لهـا بالوفـا تكريـس=لهم ماقفٍ بالطيـب معـروف تكريسـه
وكـل القبايـل طيبهـم مايبـي تقويـس=وكل ٍ علـى ماقيـل تعـرف نواميسـه
انا شاعر وشايب مقبل علـى الترويـس=واتابع مجال الشعر واجلـس مجاليسـه
واحب الرعد والبرق والمنظـر الانيـساس=لـي بهـا قلـبٍ كثيـره هواجيـسـه
ولانيب احب الهمز واللمـز والتدبيـس=وبعض المكان اللـي كثيـره جواسيسـه
ولو قالو أنته عبد ولاّ أنت راس غليـس=رصاصـي مكفينـي وعنـدي نواديسـه
أنا عبـد للـي ماخلـق للنعامـه ديـس=وكل ٍ يعرف الطير محـد ٍ نظـر ديسـه
احب أرضي الرحمن وازعل جنود ابليس=ولا اعارض اللي مغوي ٍ رايـه ابليسـه
|