بسم الله الرحمن الرحيم
الشاعر فواز السهلي يمدح طلال بن عبد الله بن رشيد
اول قولنا نثني على الله ان ينجينا من اشرار الخطاري
ويوصلنا ديار نمتنيها ويوصلنا مواكير الحراري
سلام عدد مزنن ترزم وما ناضت بروقه بالعذاري
سلام عدد ماهل وامطر ومابعد المطر بالخد جاري
سلام عدد ماانبت واخضر ومايرعاه مال بالخضاري
سلام على المجلس جميع مجلس حاكم فيه الصطاري
سلام على شيخ الشيوخ ريف الضيف بايام العساري
سلام الله وقوك ياطلال لطام المعادي مايداري
طلال كما بدر تظهر بليل النصف كن ليله نهاري
طلال كما نجم تحدر الى صك الصفاحطه كساري
طلال كما حظف قريصه مايبريه كوي ولا قراي قاري
طلال على الحربي عذاب باخذ المال وايتام الذراري
وقالوا مات عبدالله وماتوا كل من 0000 جن خماري
وشب الحرب من عقبه طلال ساس الجود مااخذها عواري
ارخى السيف لين الكل دنق وخلى الطير تبع للحباري
من الحرة الى وادي المجره مايرعى بها قوم تحاري
احد انهزم واقفى وراح واحد يدخله دين البخاري
سناعيس ومقدمهم طلال سيف الهند بتار العتاري
سناعيس الى وردوا صيام يسقون العدو كاس المراري
سناعيس الى كثر الطريح احد ميت واحد يثاري
سناعيس ومامعهم قصير كود ارماحهم هي والهواري
سناعيس اهل طاس ودرع وامن الجوخ خالطها حماري
سناعيس اهل جيش وخيل سناعيس اهل عكف الشباري
سناعيس الى بار العميل الى سرى بهم قالوا عثاري
سناعيس الى صاح الصياح وركبوا من على قب المهاري
وكم من حلة تمسي بخير ماجاها من المحذور طاري
فلما اصبحت جاهم طلال وسيف العز يمشي له يباري
وكم خليت شيخ من يمين وكم خليت شيخ عن يساري
ونا ناصيك ياشط الفرات شربك قارح ماهو بصاري
واللي جابني دين الرجال وظني فيك كنه في اصراري
ودين الناس الى من جاء وفاه مامنهم احد يقبل اعذاري
فلولاك ماانحر ذا الديار ولا انحر حايل ولا قفاري
لكن الرجاء بك والله كريم ثم انتم عطاياكم اكباري
وانا مركي جالي على الله عن عفن من المخلوق ناري
عقال الله حبل اللي حسود لعل انه مع الفجار هاري
الى منه بغى الحاكم يجود دق به شور عفن الشباري
يوريك التنيذخ شقلباني وده ايبلع الحاكم جماري
وانتم سالمين والسلام