يـازمــان الـشـدايـد درك الله زمـــان=علمتنـا دروســك كـيـف نبـنـي حـيـاه
المـواقـف نتـايـج كــل درس امتـحـان=تعطـي الرجـل خبـره ليـن يعـرف غــلاه
التجـارب لـهـا عـنـد المـجـرب مـكـان=والطـبـيـب الـمــداوي مانفـعـنـي دواه
علـتـي مايبينـهـا فـحــوص وبـيــان=علتـي مـن مشاكـل ذا الـزمـان وغـثـاه
كـل مـامـد عـشـري عودتـلـي ثـمـان=ازرع الطيـب والقـى عكـس ذلـك جــزاه
عنـد بعـض العـرب والا بعضـهـم تـكـان=والتكانـه علـى عيـنـي وراســي وفــاه
للمطالـيـق شــان وللخراتـيـت شـــان=وكـل رجــلٍ نمـيـز طيبـتـه مــن رداه
قالهـا الـلـي قصـيـده لاتـكـون وحــان=كـان مااثبـت حقوقـه ماهـضـم مسـتـواه
شاعـرٍ عـاش وقتـه بيـن عسـر ولـيـان=واثبـت الوقـت شعـره فـي مجـرد شـقـاه
ذا كـلام الصحيـح الـلـي عـيـان بـيـان=والمـكـذب لـيـا جــرب كـلامـي لـقـاه
.