[شـداد]

شبنا وشابت من الدنيا شواربنا = والعمر في نقص والأيام تزدادي
واللي فعلنا عليه الله محاسبنا = يالله سترك ليا جاء يوم الاشهادي
لا قامت رجولنا تشهد بغايبنا = ويدننا والجلود وكل الاجسادي
والموت جانا وخلينا مناصبنا = واهتز عرش الحياة ولاش مقعادي
وقامت تباكى من الفرقى قرايبنا = وحنا جمادٍ دفن له بأرضٍ جمادي
والله يعلم بطيبنا وخيبنا = رب السماوات عنده كل الاسنادي
نقرا فعول الشباب وفعل شايبنا = حدٍ على خير وأحدٍ شر ونكادي
وإبليس ملعون ذاك اليوم حاربنا = واليوم يضحك علينا غصب واعمادي
نشهد على الزور ونكذب طلايبنا = وحنا مع الدرب لا مويه ولا زادي
مانعتبر ونتفكر في مصايبنا = ونكافح النفس بين الصبر وجهادي
ترى المنايا قسمها الله مواهبنا = بابٍ بندخل ونطلع منه من غادي
اما طلعنا مع محمد مصاحبنا = والا حدانا على درب الشقا حادي
يالله عفوك وغفرانك تروفبنا = يامنزل الغيث براقٍ ورعادي