[فـــالح السبيعي]

المشاركة الأصلية كتبت بواسطة ابـــو فـــهــد

يدوم عزك ياعسى الله يبقيك = يامن رقيت المجد بأفعال يمناك
يالشاعر اللي شوقتني قوافيك = وخلت بنات افكار شعري تغناك
ياخوي انا لو قلت بالحيل مغليك = كلمه بسيطه ماتجي حول معناك
انت الصديق اللي رفيعه مباديك = ورثت طيبك ورث من طيب مجناك
وانت الرصيد اللي مجير على شيك = ياذخرنا اللي للشدايد ذخرناك
حقك عليّ وواجب اني انا اجيك = وياطيب بعض الوصل لو كان عناك
الوصل للي مثل شرواك يشفيك = ماله بديل وعنه ماغيره أغناك
اقبل تحياتي وعذري وانا اخيك = خلتني الدنيا هنا وانته هناك
لكن انا واثق ليا جيت ناصيك = انك تقول لجيتي هيّه امناك
بنيت يافالح وعزت مبانيك = وعلى النقاء حطيت فالصدر مبناك

ابـــو فــــــهــد

وســـــــلامتكم....,,,

أررررررررررررحب يابوفهد
وصح لساااااااااااانك على هذه الراااائعه
جزل وكلامك يدل على شاعريه متدفقه وشاعر نفتخر فيه
وفي شعره وتسلم على كل حال
وأشكرك على إطرااائك ومهما تكلم فالح عنك يالحويزي
لن يوفيك حقك فلازالت مواقفك يابوفهد خير شاهد لك
ومنتظر زيارتك لأخوك وأنت واصل دائماا