اردت ان اشارك بهذه القصيدة المتواضعة ارجو ان تنال اعجابكم
يا هاجسي هوجست هوجاس مهوب اية هجوس = عواصف رعودك سمعها من قراء نشرة نباك
أنا اعترف لك يا ســمـو الفـكر دكـتور الـنـفـوس = انك تعـالج من ســمع بأذنه وتشـفي من قراك
أنا اعتزي واخوض بك حرب مثل حرب البسوس = مـا دق قــلبي وانـته احـزامي يـذريـني ذراك
البس دروعك واخذ سيفك قدمك الحرب الضروس = إياك تطعن في القفا والغدر واحذر من عداك
إلي يـضـدك يا هـجـوسـي حـلـقـه تحـليـق مـوس = خــلـه يـجي للـنـاس عـبرة يعـتبر هـذا وذاك
والي يـنافـق عـطه يالهاجوس من بعض الدروس = الي يـدرس بـه من أجناسـه ويثـني به علاك
والي طـعـمت المر منه اسـقه بدال الكاس كـوس = لو شرب عقبة ماء البحر سكر يذوقه طعم راك
ولا قـابـلك ياهاجسـي قلب على النـم مـهـووس = اغسل فؤاده من مطر فكرك ومن ما في سماك
ومن صـادقك ياهـاجسي من خبرتك تقدر تقوس = صبره ومصـداقـيتـه والي يـضـحي بـه فــداك
ولا لاتـحسـف لافـعلت الطيب في وجهن عبوس = أجرك على الله ياهـجوسي لا تـخيب من نصاك
يامـا بريت القوس يا فكري وأنا معـطيك قـوس = واليا كبر سنـك عـطه يا هـاجسي عـقبك نـماك
الشاعر محمد بن عايض البحيح السبيعي