قصيده للشاعر / صقر الصقر البقمي
احببت ان اشارك بها في منتديات سبيع الغلبا راجيا ان تنال اعجابكم ولكم تحاتي
امنياتي
ياليت بعض الناس ماعنده السان = كود العرب لا ماهرج يعذرونه
اللي على الادنين باالكذب شذاب = واليا تركهم باالردا يلحقونه
اللي مجالسهم على القيل والقال = في مجلس الخسران واللي يبونه
لا كاسبٍ طاله ولاحافظٍ مال = ياالله عليهم قدرتك والمعونه
وليت اللحى ماتنبت لكل رجال = تبقى بحشمتها وقدر ومصونه
ماهوب لاطالب ولاهوب طلاب = لا مسمعٍ حيٍ ولا يسمعونه
لامطفيٍٍ هيّه ولا قادحٍ نار = في ظل ربعٍ بااللقى يمنعونه
اللي ليا صارت على غير ماطاق = يفرح بهم من حطوا العلم دونه
عاداتهم على النواميس شفاق= دربٍ على الطالات مايتركونه
امعرب الاعمام ومعرب الخال = يامسعد اللي فى النسب يجذبونه
وصلاة ربي عد ماحج حجاج = على نبي باالهدى يتبعونه