غزا الفارس الشيخ ريحان بن سارى الدانوق أمير المناجله من السهول ومعه عدد من جماعته ورجل من بني عمنا سبيع اسمه محمد، فكسبوا الابل فوزعها ريحان على جماعته واعطى السبيعى اطيبها وبعد مده من الزمن رحل السبيعي الى جماعته، وفي يوم شاف السماء فيها غيم فقال قصيده يسأل الله عز وجل فيها ان يسقى بلاد المناجله رويغب ويمدح ريحان وجماعته:يقول السبيعي
[
ياذا السحاب اللى نشأ قبل حله=عساك تمطر بالمزون المراديف
وحاذور عد رويغبٍ لاتزله=ياجعل داره للعرب دايم ريف
دار بها رجلٍ خذا الطيب كله=ريحان عيد اهل الركاب المواجيف
اللى خويه دايما مايمله=يحذيه من جل البكار المشاعيف
كسب المراجل دايمٍ عاده له=يوم ان ولد اللاش فى العسر ماشيف
وربعه دوانيق وتسد بمحله=اهل الوفا والجود واهل المواقيف
قبيله تثر على الكبد عله=والقوم منهم عودت بالتحاسيف
يالايمى فيهم تصير بمذله=سهول تعز الجار وتكرم الضيف
وسلامتكم