[بن بطاط]

السلام عليكم ورحمة الله وبركاته
.. هذي قصيدة جتني من واحد هو جديدن على الشعر ...وكاتب القصيدة فيها كمن بيت بإحساسي انه مبطنه المعاني ...فارجوا تقيم القصيدة من حيث الوزن والمعنى إلي فيها

خالفه زمانه وميًل على الحاجه.....وناظر رسوم نجمن فالسما عالي

يحرك عصاه قرب نارن وهاجه........كود لهبها وصل لقلبه السالي

يجر الصوت من حر(ن) قد لاجه....جرٌة بحيح من هم(ن) عيا يجالي

وكتًم على الصدر ويرجي فراجه.....منها يحكي نفسه وشلي جرى لي

المهره الصفرا تمشٌى دون سراجه.....يروم قيدها مير حكم الزمن والي

مهرتن خالطها الدلع والتغناجه.......حلوة المبسم والمنظر يابري حالي

مكمٌله حلاها مير ثمرها فجاجه.......بغية القلب بشوفة زولها قبالي

رجال(ن)ميل عقاله على حجاجه.....بدلته وعوده يتبع سلوم الرجالي

أمور دينه مايدرُجها تدرُاجه.........يمسك أكلها من بان الهلالي

بقول(ة)أبشر تم هي طريقه ومنهاجه..ماهي حكر لبني عمي او بني خالي

كود العرب خذو من العلم ماجه.......الرجال يلزمه مورد ما الزلالي

الخيل الأصيل مقدم على المعواجه.....وفزة العبد ماترج فناجيل ودلالي

ياعرب وردتوا بعض القلوب على الصاجه...البل بل لها ساس لو كانت همالي

ياعرب كلن يعصب راسه بتاجه......لا ظنتكم بجي يوم ورمي عقالي

كم رجل(ن) قدٌم وماعزم على دجاجه....وكم سيف(ن) صقيل(ن) بدٌل بحبالي

النوم سكرة الرجال وعلاجه........ملحٌق الرمضا مطارد بالقوالي

يطلب عيشته مير رزقه على الساجه......يرقب شوفة كثب المزن الثقالي

منها تربع أرضه وتوسٌع فجاجه........ويوردها ركوب الضلع العالي

تبي المغزى والمعلومة حجاجه........ابو لهب بالنار والجنه لبلالي

عوٌد بجر صوته بحسنة و ديباجه.....من هم(ن) بصدره وزمان ميٌالي