منول ماتزل دمعتي غير عقب الشين=وهلحين من قال انت وش فيك بكاني
احزن على الي مات وبكي على الحيين =بعد شفت فرق اللي فقدته عن الثاني
اقوي عزومي يعني اني من السالين=لكن البلا صارت تكلم به اعياني
بنادم يذم الوقت من جهله المسكين=يقول البلاء فالوقت واقول غلطاني
ارى الوقت هو ايه سبت وشهر وسنين=لاكن البلا هو سبت حقوق الإنساني
تغير تعاملنا وضعف العقل والدين=وهاذي حيات الناس ذالوقت من داني
حسين سعد السبيعي
...مجاراه...
انا لابغيت ادله شعتني بيوت حسين= ونا قبلها مدنات شي ن بيشعاني
غزا مفردات الشعر غزوة صلاح الدين= بحكمة أبي سلمة وبالسان حساني
شعاني وعرضني البارح طريق الرين=من العاصمة في وجهت اسهيل سراني
يقولون مابه شاعر الا وله غاوين=فعسى الله يبيح احسين كاننه اغواني
سبح في خيال الشعر حتى وصل اي لين=لاقال اله جمله كنه ايهرج بالساني
متدري وش اللي صارلي يابحر قزوين=لاكن طالبك تقولي منهو الجاني
انا بسلك يابو سعد لي طلعت منين=طلعت بعصاء موسى وخاتم سليماني
لوني ماعرفك يابيض الوجه عرف ن زين =اباقول هذا من حدى لد عدواتي
حمود مشعي السبيعي