[أبوعبدالله]

المشاركة الأصلية كتبت بواسطة مسعود الحويزي

السلام عليكم ورحمة الله وبركاته

وكل عام وأنتم بخير

هذه مشاركه للتواصل معكم واتمنى ان ترقى الى مستوى ذائقتكم العاليه

وان تقبلوها كما هي :

الشمس قبل تميل يم الغرب ويحل الغروب = العمر مره بالحياه وعيش فيها وفلها
أهم شيء انك عن(إ)دروب الخطأ لازم تتوب= ولحل وقتك للصلاه احرص عليها وصلها
الوقت ذا مافيه لا غالب ولا فيه (إ) مغلوب= كل النتيجه فالنهايه حِلها واحتلها
لاتشيل همك دام راسي حي ويشم الهبوب= انسف عليّ هموم صدرك ياعضيدي كلها
ماهيب شيء ولو تجمّع كبر ضلعان الجنوب= انا لها واقول عندي ياعضيدي حلها
الارض باسطها الولي ماضاقت بكثر الدروب= لضاقت وجيه البشر شطب عليها وخلها
بعض البشر ياصاحبي قربه من اكبار الذنوب = يشب في كبدك مقابيس العنا ويعلها
الطبع خلقه والعرب قالت ترى الماء مايروب= هذي طبيعه والطبيعه ماتغيّر دلها
الصبر مفتاح الفرج والكذب خله للكذوب = والله يقطع عرق شجره مايظلل ظلها
الحاسد الشمّات مايدري عن اللي فالقلوب = قفل عليها فالضماير وانتبه ياصل لها
الصدر صندوق الهموم وداخله دايم تذوب = وان كان ماذابت همومك هاتها لي كلها

وسلامتكم ,,,,

ونت سااااااااالم يا ابو فهد


صح لسانك يا بطل


ولا تعليق امام هذه الشامخه

تحياتي لك