قصيده تشرفت بألقائها في حفل تكريم افراد قبيلة سبيع في شروره لأخيهم النقيب هادي ثواب السبيعي
قائد امن الطرق في المحافظه بعد ان تقرر نقله لمدينة نجران بعد خدمه استمرت اكثر من عشر سنوات
على ارضٍ مجدها ورث الجدود وعزها بالدين=تعيش اقلوب وحدها على الطاعه موحدها
تباشر ياوطن ونعم بخيرك فالقساء واللين=لك ارضٍ ماتدوس اترابها نفسٍ تهددها
على حدك رجالٍ فالمواقف تهلك الباغين=على اطرف مشكله تثبت مواقفها وتأكدها
شموخك ماتطوله زمرةٍ في نهجها تخوين=تموت بذل ماتبلغ من الرهبه مقاصدها
جنود ابليس يوم ابليس جاله بينهم تثمين=ضعاف نفوس وعقولٍ على نهجه يعمدها
عقول فارغه ماكونت من دينها تحصين=خذت خير الوطن واصبح بعد خيره يجاهدها
خروجٍ عن مناهجنا ولا له بيننا تقنين=نشوف احداث مايسهل على مسلم يشاهدها
وحنا صفنا واحد وفي حفظ الوطن ماضين=رجال الأمن مع جيشٍ مواقيفه يجددها
رجال الأمن موقفها مع الفكر الدخيل يبين=عسى ربي على الخاين ومن مثله يساعدها
ومن باب الوفاء لأهل الوفاء واللي خدم لأسنين=شروره تفتخر في قايدن شكره يراودها
ليا من ذكر هادي صفقو يامعشر الغالين=لو إنا نجمع الشعار ماتكفي قصايدها
خدم بأمن الطرق خدمة شرف يشهدبها وافين=يقوده في مهماتٍ من الحنكه يحددها
سلاحه طاعة المولى ونهجه منهج البانين=معه جيش الرجال اللي على الشده يساندها
خدم فيها سنين بالعطاء والمنجزات تبين=مع الأيام ماغابت عن المنصف شواهدها
تفاخر به بلاده يوم جاله بالعطاء تمكين=بذل نفسه على درب المراجل ما يباعدها
عطاه الله من القوه و فكرٍ فالحياه اذهين=وحب اقيادةٍ عليا على الطاعه يعاهدها
وليا من جاه نقله مانقل من خافق المغلين=يروح وطيبته تبقى مع الصاحب قواعدها
حجاجٍ طلق مع نفسٍ تبادر بالعطاء وتعين=وله خوة و فاء تبقا و لا تفنا مواردها
تفاخر بأسمه الغلباء وله في مجدها تدوين=وهو من لابةٍ تفنى ولا تترك عوايدها
سويدي والسويدي ماتجلى موقفه ذلحين=على مر الزمن له رايةٍ فعله يشيدها
كسب من شايبه طيب الجناب ومسلك الناجين =ابوه اللي فعول المرجله والطيب رايدها
لفى من رنيه الفيحاء يسابق خطوة العجلين=الا يا مبرك الجيه ويا ما اكثر فوايدها
وحنا من بعد طاري مجيه كلنا شفقين=نبي شوف الرجال اللي مثل هادي حصايدها
ليا من ذكر هادي صفقو يامعشر المغلين=لو إنا نجمع الشعار ماتكفي قصايدها