[ماضي المديري]

الشاعر/ مطلق بن شويه

اقبلـت ياوجـه الغـلا .. حــيّ هـالـزّول = زول ٍ تغـيـب عـبـاد ربّــي لـيـا غـــاب
تطلـع طلـوع سهيـل مـن حـول لا حــول = وتشّخص لك عيون .. وتلافت لك أرقاب
ومن يـوم جيـت الله وكيلـك علـى طـول = سلامـك عتـاب !! وسواليـفـك عـتـاب !!
طـوّل علـي بالـك عسـا عـمـرك يـطـول = ماكـل موقـف تنشـرح فـيـه الاسـبـاب
عطنـي يديـنـك وأنـثـر اللـيـل مـجـدول = خلّـه يطيـر أسـراب .. ويـعـوّد أســراب
وأضحـك وفـرّق جمرتينـك عــن الـلـول = بفتح لك سموعي قبل مـا افتـح البـاب
خمـر الكـلام اللـي مـن شفـاك معسـول =أبـيـه يــدرج فــي عـروقـي وينـسـاب
سوالـفـك فيـهـا مــن السـحـر مفـعـول = تأثيرهـا عـلـى الـجـوارح والاعـصـاب
بأمـلا عيونـي مـن تهـايـاك وأقــول : = يـاوجـه صـبـح ٍ لـبّـس اللـيـل جـلـبـاب
عـذر القصيـد إليـا قصـر عنـك مقـبـول =أوصافك أكبر من مدى شعر وإعجـاب
عـــودك مـعــزّل ومتـنـهّـض ومـفـتـول = اليـا تـعـدّل رمــح والـيـا انحـنـى داب
ومعنّـقـك فـــارع و زامـــي ومـنـتـول = وصــدرك جـمـع مـالـذ كـلّـه ومـاطـاب
وسـودك طلايـع قـوم وسيـوف وخـيـول = خيّالهـا يــارد عـلـى الـمـوت مـاهـاب
ايّووووه من صحوة هدبها ويحّووووول = وإن سلّهمت ( هذا بـلا ابـوك ياعقـاب )
قـريــب لـكـنّـك بـعـيـدٍ عــــن الــنــول = وا حــر كـبـدي حــرّة الـظــن لاخـــاب
مـاكـل مـجـدٍ يـبـلـغ الـمــرء مـعـقـول = اللي ماجاب حصان أبو زيد وش جـاب
مـن لا جمـع راسـك براسـه علـى طـول = والا يـقـضّـي تـالــي الـعـمـر عــــزّاب