بسم الله الرحمن الرحيم
اعزائي اعضاء وضيوف ومشرفي منتدى سبيع الغلباء
حقيقة لقد حرصت ان لا آتي الا بقصيد لم ينشر من قبل وذلك معزة وتقديرا لهذا المنتدى ولما يحمله اسمه لي من معزه وتقدير واجلال
لذلك تعتبر القصيده التي سأنقلها لكم اولى مشاركاتي في المنتدى
وهي قصيده للشيخ ناصر بن دخيل الله بن مسلط آل عجيان من قبيلة الملوح سبعان رنيه المعروفين
وهو من فخذ آل عجيان المعروفه بالشعر منذ القدم وإذا واتتني الفرصه فسأنقل لكم بعض قصائدهم المشهوره مثل
عجيان بن مسلط ومسلط بن عجيان وجدهم مسلط بن هادي
وهذا الشاعر من احفاد هؤلاء العظماء
ولا ازكيهم على الله عزّ وجل
والشيخ ناصر من سكان رنيه وعمره الان يقارب منتصف الستينات
وهو مقل عموما في الشعر على الرغم من جزالته
وهو مرشد ديني معروف وشاعر في نفس الوقت
نسأل الله له طول العمر والصحه
بسم الله نبدأ
قصيده لـ ناصر بن دخيل الله بن مسلط ابن عجيان الملحي السبيعي
رزقي على الله ولا عند المعازيبي
رزقي على اللي كريم فاتحن بابه
لاقصر اللاش ترّاك المواجيبي
ماسد حال الفتى لو قل يرضى به
بانصحك ياللي تعرف العلم والطيبي
جال الردا لا تبين لاتقهوى به
جال الردا مثل بطحى جا لها سيبي
جرف هيالن تغرك زموة ترابه
عليك باللي يكثّر بالتراحيبي
وماكان تملك يمينه في الصحن جابه
واحذر تسبّه ترى سب العرب عيبي
احذر من اللي على المخلوق مرقابه
ياللي تعذرب ترى كلك عذاريبي
وابليس سهم على العورات مضرابه
كانك عطيب ترى غيرك معاطيبي
وان شفت لك مبتلى فاحذر تهزّا به
حافظ على سمعتك بين الأجانيبي
واللي من عيال عمك تحسب حسابه
واحذر من المنزل اللي في محانيبي
واحذر شعيبن يشيلك سيل محنابه