عرض مشاركة واحدة
 
غير متصل
 رقم المشاركة : ( 2 )
ابن مشعب
عضو مميز
رقم العضوية : 744
تاريخ التسجيل : 22 - 01 - 2004
الدولة :
العمر :
الجنس :
مكان الإقامة :
عدد المشاركات : 638 [+]
آخر تواجد : [+]
عدد النقاط : 10
قوة الترشيح : ابن مشعب is on a distinguished road
الأوسمـة
بيانات الإتصال
آخر المواضيع

التوقيت
رد: قصائد رثاء في الفقيد بنك سبيع مناحي بن ناصر الصندلي السبيعي

كُتب : [ 07 - 12 - 2018 ]

اقتباس:
المشاركة الأصلية كتبت بواسطة عبدالله الحضبي مشاهدة المشاركة
رجل المكارم والفزعات الشيخ مناحي بن ناصر الصندلي السبيعي
بنك سبيع
توفي يوم 27/ 2/ 1440
بذل ماله وجاهه لخدمة القبيلة كما ساعد الكثير وتبرع للجميع
وقدم خدماته للمحتاجين من أبناء قبيلة سبيع والقبائل الأخرى
ويعتبر من رموز القبيلة كرماً ومجدا ومكانة
رحمه الله وغفر له وأسكنه فسيح جناته

وهنا اعرض بعض قصائد الرثاء في الفقيد :

قال الشاعر عبدالله بن سعد الحضبي السبيعي
في الفقيد مناحي بن ناصر الصندلي السبيعي
الفقيده يوم تطرون الفقيده.
الفقيده راح ابو ناصر مناحي
راعي الفزعات والاريا السديده
وفالكرم والجود لابسْ له وشاحي
له مزايا نادره جزله فريده
هو فقيد المرجله واهل الفلاحي
وله مواقيف ومعاريف عديده
طاح فعل المرجله من يوم راحي
تبكي سبيع الوفا شهمٍ وليده
ساعد اللي زاد همه والجراحي
كم دفع للخير من غالي رصيده
وفالجمايل فعله بكل النواحي
ياعظيم الشان يارازق عبيده
ترحم اصل الجود ابو ناصر مناحي
عبدالله بن سعد الحضبي السبيعي


وهذه ابيات للشاعر غانم بن نوار المجمعي السبيعي
في الشيخ مناحي بن ناصر الصندلي
الله يحسن عزانا فيك يامناحي
يالشايب اللي جميع سبيع يغلونه
انا اشهد انا فقدنا درع وسلاحي
مزبان من صكة الايام من دونه

وقال الشاعر ناصر بن دليقم السودة السبيعي
في الفقيد مناحي بن ناصر الصندلي
تبكي على مناحي مواريث الابطال
اللي لها في صرح الامجاد نوفه
مرحوم ياللي للصعيبات حمال
لا صعبة الدعوى تبين وقوفه
مروض نفسه على زين الافعال
ومن الوفا والجود تندا كفوفه
عسى لها في جنة الخلد منزال
روح على زين الخصال معطوفه
آمين يامنزل تبارك والانفال
وال العباد وكلبونا ضيوفه
ناصر بن دليقم السودة السبيعي

وقال الشاعر زامل بن الحميدي المجامعة
السبيعي في ابيات خص بها بنك سبيع رحمه الله
سلام يالوافي كثير المنافيع
يادرع ربعك من جميع النواحي
بنيت للغلبا صروح ومشاريع
من حر مالك وانت أساس النجاحي
سبيع تفخر بك وتبدي بك الريع
من العفيرية لوادي رماحي
قول وفعل ماهو دعايه وتلميع
والمدح واجد وأنت فوق امتداحي
مير الكلام اللي سمعته وقد ذيع
وجهة نظر فيها يبين اقتراحي
مانته ببنك سبيع يامجمل سبيع
بنك القبايل كلها يامناحي
زامل بن الحميدي السبيعي

وقال الشاعر سيف بن واشد بن تركي الصندلي
في بنك سبيع رحمه الله .
وين انت ياللي من عنى الوقت مضنوك
ولا ذاقت عيونك لذيذ المراحي
حتى اقرب العالم لك اليوم خلوك
ونظراتهم في القلب مثل الرماحي
تشكي من الدنيا بملفات وصكوك
وليا قراها واحد ماستراحي
ابشر بارادة من له العرش مسموك
همك يزول ليا وصلتوا مناحي
صحت السنتهم جميع والله يرحمه ويغفر له وانتم شهود الله في ارضه


رد مع اقتباس