[عايش ابوليل]

السلام عليكم ورحمة الله وبركاته ..

وهلاوغلاا بالجميع ... للتواصـــل:

يقول من ولع من المرت الازرق=هاضه سواة اذناب بوش وكلابه
ياقاضي الحكّام صبرك ترفق=امهل على صدام يقلي خطابه
له مدةٍ ياشيخ عندك معلق=بين الرجآ واليآس ضيّع صوابه
حرام ياقاضيه هرجك ملفق=كن الكلام اللي تقوله نهابه
شعب العراق الي غبينٍ يحدق=في كل شاشه يستمع في جوابه
احدٍتعنق يوم شافه ودنق=ود يزوّد لو حصله عذابه
واحدٍ نهض حجان عينه وصفق= عاش البطل صدام ذيب الذيابه
عاش البطل اللي كلامه مصدق=جعله يدوم سنين عز ومهآبه
حتى خطابه في المحاكم موثق=اعلن لهم حقه وقال انتسابه
حتيش لو يخرج برآءه من الدق=منهو يرجّع له كرامة حسابه
انا اشهد انّه ابتلاءً محقق=راح الحكم منّه وماتوا القرآبه
ولاهاضني ياكود هرج المطفق=ناسٍ دعاويهم تجيب الكآبه
خلوني اكتب ماطرآلي واعلق=ولاترى المستور مآحدٍدرابه
سلام ياحرٍ يحلق يحلق =لوهو كسيرٍفي سجون الخرآبه
لانيب انا اعرق له ولاهوب يعرق=لكنني معجب بحضرة جنابه

... وسلامتكم ....