والله إني صبور واصبر من الجمل= اظهر الضحك واخفي في ضميري جروح
لا تكالب زماني ارتكي للحمل =مثل ضلع طويل شامخ له سفوح
الهبايب تلوفه ما يكل ويمل= ثابت في مكانه والجبل ما يبوح
الرجال الضواري مثل ذاك الجبل= عزوة اللي تعزوى من جروحه ينوح
طيبين السجايا ماضيين الفعل =بالصبر والعزيمة كم بنوا من صروح
ارفع الراس دايم لو حصل ما حصل= لا تزعزع كيانك خل عندك طموح
اتبع اللي يعزك وترك اللي يذل= رافق اللي يودك بالمشورة نصوح
من حكى لك حكى بك مثل قول المثل =من ضحك لك ضحك بك لو تشوفه مزوح
المكر والخيانة من صفات الثعل= والحرار الأصيلة بالثريا تلوح
لو صفالك زمانك ما يدوم العسل= الله اللي يدوم وغير وجهه يروح
يالله اغفر ذنوبي عن جميع الزلل= الخطايا كثيره والله اللي سموح
يالله
ما اجمل هذه القصيده
فهد المهاجر ... الف شكر لك على هذا النقل الرائع