[خالد الشماسي]

يالله يـــامـــرســـل نـــسيـــم الــذواري=
بــعلـمك يـتم الامـر فـي طـرفة الـعيـن=
انـــي دخـــيلــك مــن فــساد الــذراري=
وشـــماتة الاعـــداء وطلابة الـــديـــن=
يــاعــيد شــفت الــموت جـاله مـواري=
الـضغـط زايـد والـعمـر وصل سبعين=
وقـــت تــغيــر شــفت فــيه الــنكــاري=
الــزود فــي الـدنـيا والـنقـص بـالـديـن=
وحــرار نــجد الـلي تـصيـد الـحبـاري=
الـــيوم مـــثل الارمــله والــمســاكــين=
فــي مــا مــضي دلايـل بـالـصحـاري=
ويردون حوض الموت مثل الشياهين=
والـيوم صـار الشيخ راعي المصاري=
راعــي الـفلـوس الـلي رصـيده ملايـن=
وعـقبـان نـجد الـلي تـدوس الـضواري=
يالله عـــشاهــا تــدركه بــعد يــومــين=
وراعي الفتيل أرهي براعي السواري=
مـن وقـتنـا الـي مـختـلف فـيه وجـهيـن=
وراعـي الـكديـش الـيوم أصبح يماري=
راعــي الـكحـيله فـي سـباق الـميـاديـن=
وبـــنصــحك قــدام تــجري الــجواري=
وافــارق الــدنــيا قــبل ســن تــسعــين=
عــليــك بــالــتقــوي بــليــل ونــهاري=
ومــرقــبه ربٍ خــلق كــل زوجــييــن=
ومــمشـا الـي الـمسـجد وقـت الـغداري=
وكــثر الــتهــجد لا غـدى الـليـل ثـلثـين=
وبـــر الأبـــو والام فــرضٍ اجــباري=
وجــيرانــك الـلي بـالـمنـازل قـريـبيـن=
وتـرحـيبه بـالـضيـف لا جـاك ساري=
كـثر لـه الـترحـيب مـع الـنبـاء الـزيـن=
وقــدم لــه الــفنــجال ومــعه الـمبـاري=
تـمر الـصفـاري مـع عـذوق العراجين=
وكــبش غــذاه الــلي كــبيــر الـعتـاري=
يــبي الــدراهــم مــايــبي قـول نـعمـين=
وبــنصــحك ان كــنت لــلكــتب قـاري=
وتـبغـي الـمثوبه يوم نصب الموازين=
عــليــك بــالــتنــزيـل مـن عـند بـاري=
الـــلي بــدى بــإقــرءوطــه ويــاســين=
ومــا قـال مـسلـم ومـا رواه الـبخـاري=
وتـرك مـجلات الـصور والـشيـاطـين=
إلـــلي بــها الإنــسان يــجيــك عــاري=
فـيه الـمره والـرجـال بـالـمنظر الشين=
ولا تــرافــق الـلي عـزبـته بـالـكبـاري=
ربــعه يــجونه بــأول الـليـل سـاريـن=
شـغلـتهـم الـتفـحيـط وضـرب البواري=
والـجيـب فـيه حـبوب مـع كرز تدخين=
وتــم الــكلام وجــاء لــلشــعر طــاري=
وحـبيـت أسـاهـم بـالـنصـيحـه بـقافـين=
وصـــلوا عــدد مــا غــرداً الــقمــاري=
عــلي شــفيــع الــخلــق ســيد الـنبـيين=

محسن بن علي بن جغيثم ( رحمه الله )
http://www.sobe3.com/diwan2/members.php?poem=158