[شرار المرشدي]

السلام عليكم ورحمة الله وبركاته
هاذي القصيده اهداء الي الشيخ عبد العزيز بن محمد بن مطر ابو ثنين

زان القصيد وزان نظم القوافي
في مدح منهو يستحق الجزيــلـــه
عبد العزيز الي على الطيب وافي
ابو محــمــد مالقيــنا مثيلـــــــــــه
ابو ثنين امير وقرم" سنافي
غصب"عن اصحاب القلوب الهبيله
له منزل"بالطيب عالي وضافي
فيه الصخا وفيه العلوم الاصيلـــــه
من لابه بالعز تاقف وتافي
اسبيع لاعدو رجال"مهيلـــــــــــه
تاريخهم واضح ولاهوب خافي
بفعل" ينومس كالسيوف الصقيلـه
اهل الكرم يوم السنين العجافي
ودون الخوي مثل الجبال الطويلـه
ومدحي في ابو محمد ماهوب كافي
وابو محمد عندي يسو قبيلــــــــه
في ذمتي مارضى عليه التجافي
الصيرمي الي فعوله جليلـــــــــــه
ياجعل يفدونه رجال"اضعافي
قومن على الهزله تحب الهزيلـــه
اهديت له مازان من نظم قافي
ويستاهل الجزلات راع الجزيلــــه


الشــــــــــاعـــــــــــر : شــــرار بن دبـــيــس الــمـــرشـــــــــــــــــــدي