يااللي تعاتبني على كثر صدي= والله ماصديت كره وقطاعه
اصد لامني تحاقرت مدي= في حق من مده على طول باعه
لا صار لارديت ماوفي بردي= عيبٍ علي اشار كه في متاعه
جاهدت وقتي لين بيح بسدي =وضيق علي الكون رغم اتساعه
وقفتله وقفات ندٍ لندي =وخذتله من كل علمٍ فراعه
طبقت فيها سلم ابويه وجدي =يومن كلٍ نجد ته من ذراعه
على الطريق الواضح المجرهدي= ونفسي لها في كل شيٍ طماعه
وجه زماني كل الاحوال ضدي= وكشف عن الوجه الحقيقي قناعه
واذعنتله لو كان ما هو بودي =ذلة عزيزٍ يعتني بالوداعه
ليا ومرني قلت حدك وحدي= وليا نهاني قلت سمعٍ وطاعة