منتديات سبيع الغلباء - عرض مشاركة واحدة

خالد الشماسي · غير متصل

كلمات شعر رائعة وصوت ا روع من طفل زاد القصيدة جمال وعذوبة

اتمنى ان ترقى لاذواقكم وان تنال اعجابكم ..

::

استمع

أنا داري واداري وانت داري = على جروحي وظرفي واعتذاري
ولكن التغلي فيك عادة = وانامليت من طول انتظاري
تسمع قول عدواني وتزعل = حذاري يا بعد عمري حذاري
ترى العدوان نيتهم خبيثة = يجيبون الغداري بالقماري
تأكد قبل ما تزعل عليه = تثبت مثل مسلم والبخاري
الا يا طير صيدك لي تردى = علامك وانت صياد الحباري
انا والله خطير وامتولع = وجاري لي من الاحباب جاري
وعين ما تنوم الليل كله = سهير الطرف وتهل العباري
انا الي ما بقالي الا ثواني = من امجافاك واستدعي الطواري
يشوفون العلاج الي يناسب = قبل يكشف عليّ الاستشاري
انا عارف من اشكيله اهمومي = الا من صارت الدعوة اجباري
اشاكي من يعرفون المودة = مثل عزام والا بو مشاري
ارجالٍ لنتخيتبهم شفوني = ارجالِ نفتخر فيهم واماري
ابشكي عندهم ضبيٍ ظلمني = رماني بالمشوك والتواري
وخلاني طريحٍ في احباله = اصوت مير مالي من امجاري
عليه الله اكبر كل ما جا = مع العذال له ذكرٍ وطاري
لعب بي لعبه الكورة وسجل = هدف محسوب في بابي كباري
لعب بي لعب تاريخ البطولة = وادى فوز البرازيل انتحاري
يتل القلب مني تل طايش = الا من تلله جيب سفاري
مدلل واعاذبي من دلاله = على فرقت اقلوب الناس ضاري
غزالِ شايفٍ نفسه علينا = تقول امرشح لمنصب وزاري
وله حق يتدلل ويتكبر = ما دام اهل الجمال اصبح إيداري
ولي حق اشتكي ما دام قلبي = يحب الزين رغبه واختياري
وختم الشعر صلى الله وسلم = على محمد عدد رمل المذاري

من كلمات الشاعر سالم التميمي

اطيب تحية