[المنتبه]

بسم الله الرحمن الرحيم

أيها الأخوة..................................السلام عليكم ورحمة الله وبركاته ............................. وبعد......

معركة يعومات غاروا الروقة من عتيبة بقيادة الفارس المشهور/ شليويح ابن ماعز العطاوي الروقي العتيبي ومعه الفارس

المشهور/ فاجر ابن مقحم السلات الروقة عتيبة ومجموعة من فرسان الروقة على ابل السودة من سبيع في يعومات

وأخذوها

ولحقوهم السودة ودارت بينهم معركة شرسة انتهت بردت الابل كلها وكسب الخيل وقتلت الفارس فاجر على يد الفارس

المشهور/ بطي ابن النجفى السودة الملقب( ب) "الدفار" وانهزموا الروقة بعد الكسرة فرد الفارس / شليويح لينقذ فاجر

وكرر الردة خمس مرات ولكن لم يتحقق طلبه وهذا ليس عذروب بل هذا حال الدنيا يوم لك ويوم عليك وقال قصيدته

المعروفه عند الطرفين وأوضح فيها ما حصل/

القصيدة:

لوا رفيق لي قعد في يعومات === امقادي(ن) خشم السلف من يساره

رديتها عنده يجي خمس مرات === وعدوني الغلبا سوات النماره

ربع لهم في حزت الضيق عادات== عزوت سويداللي تهوش بجباره

يامن يبشرني عساه حي ما مات =يا أهل الذلول اللي تبون البشارة

وكان له قصيدة قبل هذه المعركة لا يحضرني منها سوى بيتين يقول فيها:

أما لبن جرشان قدنا المغيرة === ولا تياسرنا القوم ابن مشهاب

أهل السيوف المرهفات الشطيرة=في موقف بين الرياجيل غصاب

وقبل تقريبا أربعين عام قال الشاعر سعود بن سعد ابن دغيم السودة رحمه الله قصيدة فيها ذكر هذه المعركة يقول

فيها:

يا أهل الوينيت اللي عصير مراويح === توه جديد ما مشى فالدواير

رنية لكم عقب المساري مصابيح === مقيالكم ورا شعيب العماير

اخذوا لكم ليلة على هبت الريح === ثم حدروا كنه من الأرض طاير

تلفون ربع عند ذود مصاليح === حمايته يوم أشهب الملح ثاير

لا جا نهار مثل هيت شليويح === عينه على فاجر تهل العبائر

ردو بردات تشوق الطماميح === خطوى الهنوف اللي بيدها سوائر

وفي الختام رحم الله من ذكرنا وأموات المسلمين.

المنتبه