قصيدة للشاعر/سعد بن مخفور الملحي
يامرحبا في محل باشروة الوفود=تسمع تراحيب صوت معزبه من عصر
عند أبو هاجد عسى يفداه كل معقود=طليق وجهن يبشر موقفه بالسفر
يقود ذرب السوالف قدم الاجواد قود=تدفع له الخمس ويرجع جزاها عشر
مكارمه قدم ضيفانة خروف وقعود=وقدامها يردم الترحيب ليل وظهر
تلقاه في لازمك لاشان وجه الشرود=اللي يليم كلامه كبر زبد البحر
زلات ربعه لونها كبر عرق النفود=من قدر ربعه يترجمها بعقله صفر
مني جزال المدايح ياردنك ورود=عليك الامداح ياكحيلان ورد وصدر
يفداك خبل ماهوب من الرجال معدود =لو يلبس البشت في الحفلات جور وكبر
اهلامتن لابدالك لازمك مايفود=مايدري انه من الدنيا ماعنده خبر
قصيدي احسب حروفة مثل حسب النقود=اكتب سطر واحذف من الغيض كم من سطر
قبل سنة كنت وحدي بين هول الحشود=ماكن ربي خلق في الشعر غيري نفر
واليوم والحمدلله عان ربعي تزود=وصلو ثمانين شاعر يكتبون الشعر
وذيب مايرقد من همومه وذيب رقود=ذيب على قوله الامثال قلبه خضر
ولاكل من صادق السادات يقدر يسود=والبحر ماكل من غاصة يجرب ضهر
وبعض الخطى لو حصل قد لايكون معمود=ولايبتلى بالشكوك الا قريب نضر
واللي يصادق على ربعة عدو لدود=يحتاج من يطلبه لنصح في مختصر
خاين وينقد سواياه الفطين النقود=الفعل فعل ردي والوجه وجه ودر
ولايجحد الطيب ياكود اللئيم المرود=الناقص ابن النقيص ابن الحقير القذر
وكثر التباغض وتوليع الفتن والصدود=مايجلب الا دمار شين وادهى وأمر
واللي اليا اخطى على الطيب مايحاول يعود=تراجعه عن خطاه اللي بدابه عذر
واللي على صفحة الامجاد ماله وجود=لاتنشد الوقت ليش أعطاه حذف وحضر
ومن لاوقف في اللوازم يوم قدح الزنود=ماهوب درع الصدر ولا حزام الظهر
ومن نجح في شي في الدنيا يصير محسود=أما من أدنا البشر والا من أقصى البشر
واليوم كلن يقول أنا قوي عضود=واليا نصيته لقيته راس حزمِ غبر
سوالفه فالمجالس مثل قبع الفرود=هذا يشكل على حبل التواصل خطر
حضرت في حفلة نرقى بأهلها سنود=عبد الله اللي عسى ربي يمده عمر
صنع بيمناه مثل مجد الجدود=الجد فعله شهر والابو فعله شهر
جمايله مايدور من وراها ردود=ربه فطر فيه ذربات المزايا فطر
فعل أبو هاجد مابين الطيبين محمدود=فعايله لونها بين الفعايل عفر
ومبروك يا أبنه عسى افراحك تدوم وتزود=وتعيش الليله عمر ويمدك الله بعمر
سعد بن مخفور