[سيف الروقي]

أول شي // السلام عليكم ورحمة الله وبركاته// مساكم الله بالخير ياسبيع الغلبا طوال الايمان

ثاني شي عندي سوأل لكم أنتم والعتبان أنتم ويش تبون بهوازن عود رخمه مات الله يرحمه

يوم أشغلتو المسلمين به لكم مده وفي الاخير طلع ان حتى الصلب والهنود يرجعون فيه

أبك علي الحرام أن سبيع الغلبا يسوون مليون من هوازن وخنذف وشبابه

وعتيبه يسوون مليون من هوازن وخنذف وشبابه 0 يالربع افتخرو بسبيع الي يرفع الرأس ذكرهم

وعتيبه يفتخرون بعتيبه الي يرفع الراس ذكرهم 00 واتركو عنكم لحجي في راس ضلع ماله فعل

وتدرون خنذف وشبابه طلعن عجز عيونهن حول وراجعو كتاب الاغاني لأبي بكر الاصفهاني

الجزء الثالث أو الرابع

ياجماعه والله اني قريت سب للعتبان في منتداكم شككتو في أصلهم وسبيتوهم علننا

وتبغون الصحيح والله اني انصدمت من الي قريته خصوصا انه في منتدى سبيع وعلى

جيرانهم واكثر الناس حب لهم 00 وسبيع يسمونهم مدلهت الجار 0ويمتازون عن باقي

القبايل في مبالغتهم في اكرام الجار 00 يوم بعض الناس شر على جاره والعتبان جيرانكم

وبعد طلعو قرايب // يعني لهم ثلاثه حقوق النسب والاسلام والجيره وكلها وصى عليها

الرسول 00 ادري ان المتشأم منكم بيقول قل الكلام هذا للعتبان 0 وابا اقولكم شئ والله

أني قلته ولا خليت شئ وصحيح اني ماعمري قريت سب لسبعان والي سمعته محاولة

زرع فتنه بين عتيبه ومطير واعترضت عليه بقوه واكتشفت ان فيه ناس لا عتبان ولا مطران

يكتبون باسم القبيلتين ويشبون الفتنه 0 وانا متأكد ان عندكم ناس كاتبين سبعان وعتبان

عشان يزرعون فتنه بين أكثر قبيلتين يحبون بعض وانتبهو منهم

ياجماعه الناس الي يكتبون في الانساب ناس لاضمير عندهم ولا حياء ولا خوف من الله

ولا يمثلون الا انفسهم المريضه 0أنا استغرب بعض العناوين عندكم مثل العتبان يقولون

كذا وكذا 0وبذالك رفعتو قيمة هذا الوضيع الي يسب المسلمين ويشكك في انسابهم

وجعلتو منه متحدث باسم القبيله وهو والله مجرد انسان تافه وقد يكون مدمن مخدرات

ولا تدرون ولا يدرون العتبان هل هو عتيبي ولا0 لا؟ صدقوني ان الي مزعلينكم انهم

مزعلين العتبان وحاطين بينهم حزازات ومشككين في اصل ثلاثه أرباع العتبان

وواصلن امرهم للأمير سلمان وقريبا ستسمعون عنهم خبر يسرالمسلمين 0وبعدين ياكثر

أشكالهم عندكم حسب ماقريت0 نصيحه لاتردون على شخص باسم قبيله 0 من حقكم الرد

بس يجب ان تكتبو الرد على من يدعي انه عتيبي وتواجهونه بأدله واضحه

فضاء مفتوح وناس بلا ضمائر ووسائل تخفيه تخفي المجرم الحقيقي فلا تخدعكم وتبيعون

دنياكم بأخرتكم من أجل مجاراة حقير مجهول الهويه

اذا كان هناك الف شخص عتيبي يسيئ لسبيع 0فثقو ان في الجانب الاخر أربعه مليون

عتيبي يعزون سبيع الغلبا ويمجدونهم وهم أهل لذالك

أكثر شيئ أفرحني في قرائتي لهذا الموضوع 0هو أنه ثبت أن سبيع وعتيبه عيال جد

وقرب سبيع يشرف ويرفع الراس وانا متأكد ان الكلام هذا صحيح 100%100

ماتشفون كشيخات وجيههم تشابه أثرهم قرايب هههههههههه

أخوكم بدوي ولا يعرف لتصفيف الكلام لكن لغلا عتيبه وسبيع عندي حبيت أوصلكم

رأيي مع جهلي التام في مسائل النسب زادني الله جهلا فيها مادام كذا

وتبقون ياسبيع الغلبا مدلهة الجار أهل الجود وأسود المعارك واسمكم واصلكم

يشرف يقوله واحد لاراجي منكم شي ولا قصدي نفاق ولا مجامله

لكن والله انكم غالين وان عاداتكم مثل عادتنا وان مافيه عتيبي يكرهكم

من بد القبايل 0 واسمحولي كان جاء مني قصور



همسه في اذن كل سبيعي وعتيبي!!! لاتسمعون في شياطين الانس الحاقدي
وراقبو رب العالمين

وبعدين أنا اكتشفت اكتشاف عظيم (أن جميع البشر عيال حوى وأدم )
ويقول صلى الله عليه وسلم (أناكرمكم عند الله أتقاكم)

وتصبحون على خير //

أخوكم// سيف الروقي