[خيَّال الغلباء]

بسم الله الرحمن الرحيم

هذي عنيزه ما نبيعه بالزهيــــد = لا فرعن البيض نحمي جالها
هي ديرتي هي ديرة العز التليــــد = الله رفع قدره وعز رجالها
من يوم بن عامر بدا غرس نضبد = بالضفه اليمنى وحط رحالها
قبل الخوالد والعتايق به تشــــــــيد = له منزل بين العزا ورمالها
كم طامع جاها وحايد من بعيد = جاء طامع وأقفى وهو ما طلها
من لابة به تنقض اخبال الضديد = لا قيل وين المرجله يوما لها
وحبنا له عشقه زينه يزيد = فنيه دهور ولا فني جمالها
نحبها بالين وبالوقت الشديد = وحبنالها مرها وزلالها
ولا عتق حبه تجدد من جديد = دور حياة ما نمل اقبالها
ديرة رجال عودها هو الوليد = توارثوا للطيب عبر جيالها
عادة جدود عزمهم عيا يبيد = يوم الفتيل رعودها وخيالها
والسلة اللي جوهره صافي الحديد = حده إذا ناش العلابي شالها
ومكوعب لا كزه القرم الوليد = يورد بها الشلفا على منهالها
يا ما حموها من ضديد ومن عنيد = عقب الطغى جاها يخم نعالها
لا حلت البلوى وجاء صد وصديد = بوجيههم يضحك جديد هلالها
جلابة الأرواح لا جاله بالمزيد = واللي يبي يشري ايحضب جالها
من باب شارخ سجل العلم الوكيد = في ساعة ذاق العدو وبالها
عبدالله الزامل نهج واقفى شهيد = لكن عدوه ما ربح مثقالها
راشد عدا وسعود يومه له عضيد = جر على جاره وشرب احثالها
ما شيم الجيره وكونه له حديد = استبدل القادي بسو أعمالها
أسباب ابن عمة لفى الديره طريد = جاها يبا المزبن وتم ونالها
قطاعة الأرحام عاده وتعويد = يضيع وعظه مع طشير تفالها
والثاني ثنيان قصدي ولد زيد = من نسل زايد مرهبين وغالها
جابه نصيبه والقدر حده حديد = جابه سعود وضيفته قمنا لها
عاداتنا شين الضيافه للضديد = صمع وشلف وسلة يحنى لها
وإلا سمي ما قول مرهون الرصيد = جاب الخديعه صاغها واحتالها
القايد المشهور ما هوب البليد = لكنها الجيره شرب فنجالها
غاضه وراها وضعها وضع فريد = مرتاحة من سلطته وأغلالها
وسوس لإمام الدين والحصني يصيد = جاده بناب سمها كتالها
عاقوا أميره ما أرخصوا له بالمديد = وابتالي ليل مستريح بالها
من بابها النسري حكل رأي مريد = قالوا بشاير والحرس هيا لها
جاء بالتحيل ما التقى ند بنديد = سلم الجصاني كعها واهجالها
دونك جواب العرف لا تبعد بعيد = بالبوق ولا بالنقا ما نالها
لو كان أبو ردن حضر ذيب الرشيد = مت تلتل النذل الردي مجدالها
هذا اللي سجل للزمن نثر وقصيد = بيدي ثقات عارفين حالها
ولا همنا اللي يكتب ابكتبه يكيد = ازبالة التحريف هو زبّالها
وحسين أبو ظاهر عقب هاك الوعيد = انكف ذليل ما قدر لاذلالها
والحاميه اللي بالصفا شدت شديد = شافـت ابقل مطاوله أولى لها
والروم وسط السوق حطوهم رجيد = عقب الرها زلزل بهم زلزالها
من شأن واحد دلت الدنيا تميد = روس تهشم والفناء نادى لها
صار الوفاء تسعين عد واتعديد = رجالنا باضعاف أضعاف أمثالها
حيا لابن جوهر أوي والله وليد = اللي تحيل حيلة وأبدى لها
أوما لأميرة بالخبر وأشر بالإيد = يقول حاسوا بالمضيف دلالها
واثنينهم فروا لهم مركاض سديد = وقفوا على العقده وثار اقتالها
ما همهم خرشيد ولا عبدالحميد = عادات أهلها حافظين جالها
ثلاثة أيام حصاره ما تزيد = من حرهن خرشيد لظ غيالها
أقفى ذليل او خاطره منها لهيد = صعبت عليه وبالهرب داوالها
واذكر من الخفرات منفكت عويد = من عقب ماساقه بعض حوالها
أدميه نشمية جابهت عقيد = واللي معه مالبرقوا في حالها
ولبة عرين هدته تشبع مديد = من خزنو المطرودي دن ريالها
وقت الصلاه بساعة ما به قعيد = ردت حلاله والغريم لحالها
غرتهم بلبس المرودن والبديد = من فوق قبا يحتدم زرفالها
وامصقل بيده إلى أومى له وقيد = مع بندق ملح الفنى يعبالها
خيال سعدا ما تلاقى مع لديد = رجليه صيام وقيظ غالها
واللي نصاها شايله غيظ رديد = ولد الإمام اللي يقود أهوالها
اللي لهم ثوب الثناء سمل وجديد = من بكر بن وائل وهو يجبالها
سبه جلوي حاكمه معطن صديد = ما يسمع الشكوى ولا أصغى لها
ملوا وقالوا يا جلوي مالك مريد = خل البلد واقطع كثير اجدالها
غضب الإمام ولا حصل رجل رشيد = يصلح أمور خربه بطالها
ما ثابت الكتب اللي تكتب والقصيد = اللي بها شرح يكف أقوالها
عبدالله اليحيا او زامل له عضيد = ذا عينه اليمنى وذا شمالها
من كتبهم مل المراسل والبريد = محد بها ينظر ولا يقرا لها
مرسوله المرزوقي مره وترديد = تعبت اركابه والهدف ما نالها
يومن الأريا عوشرن ما شن يفيد = ما جت ارشيه وأمرست محالها
كل ثبت حضه شقي أو سعيد = أسند على الله والولي حلال لها
أول وفاء دلاق وجمعه بالوهيد = حول يبا العقده وطاح إقبا لها
روس تطايح بالوطا سجد وسجيد = الأرقاب تشلع ابحد سلالها
فنيوا جميع ولا شرد منهم شريد = بأيسر شقيره لفلفوا بأسمالها
جمع قطعنا سيرته حصد وحصيد = وابذمة اللي جابها وأهفى لها
والجرو دمه جف وجلفن بالوريد = من رشقة للموت بافمه بالها
درج نثر مخه نثر لب الهبيد = وأدعى دماغه حالته يرثى لها
من بندق ترمي اللحم لو هو بعيد = ما وقفت بالسوق مع دلالها
أرسل به الخياط حماي الطريد = يسهج ادماغه واستجاب وشالها
من حصن امغيرا علها السيل الجويد= لين ايتهايف بالزهر مسيالها
لولا طلال اللي بذل جهد جهيد = أرسل ابشورة للبلد مرسالها
لا محمد البسام أبو فعل حميد = اللي سعى للصلح اوحل إشكالها
راحت دمي مالها حد اتحديد = تضحك بليس اوبكوته لأطفالها
ولا ولد شلهوب ومهنا اللديد = وأمير بريده وقحطان أجزى لها
جونا يحسبون إننا وجبة عصيد = مــولـم بـاجفانــها لاكــــــــالـــها
كروا وفروا جمعهم مثل الصريد = غاروا وناروا والشبك يرمى لها
مع كسبهم خسروا اركاب له فديد= وأقفوا وكل مفلس من مالها
ورواق او يوم به لنا يوم مجيد = عبدالله بن دغيثر قرم عيالها
جاء يحسبه صياد والمسكين صيد = خلي وربعه للضرا وأشبالها
رمح الحبردي عشى عجلات تفيد = من فطحته مع فطحة تقفالها
متمدد دمه على ثوبه جسيد = من طعنة نجلا تثوع رعالها
وأقفت شرايدهم تداحم بالصعيد = يطمل مواطيها سريب أبوالها
زامل ومر بالمنع اونواه بالشديد = يقول كفوا حالة يوى لها
لجله ابن غانم يجاهر به يشيد= يمدح رجال جنبوا منزالها
شاهد عيان وربك الوالي شهيد= يشهد بشوف العين عن قوالها
يدعي لزامل بالسعد يوم الوعيد = مع ربعه اللي ما ادهموا مدخالها
والنزيه اللي لخصمنا صارة مصيد = في مقطع الوادي مطيح سهالها
يوم إنهم قاموا على خضر الجريد = ملفا الجويع فروعها واظلالها
قاموا بقطعه وأتلفوها بالوقيد = دعوى تقاطع قولها وأعمالها
ما دريوا إلا بالقدر يرعد رعيد = سحب تهل الدرج من فتالها
يوم احتمى سوق المنايا والهديد = بيعت عمار تعتزي باجالها
كل يهرول للشهادة والشهيد = روحه على كفه وهو دلالها
ما ثابهم في يومها من جاء رفيد = هجوا هجيج الربد عن قتالها
يم المخيم ركضهم كوم اوبديد = مثل الجراد مطيره طبالها
بربوعنا تضرب بهم سره وجيد = سيف ورمح وبندق يضوي لها
خزعل وابن دواس هده وتوريد = مع عصبة حب الوطن ينخالها
لينه ضفا مزنه كما جبال الجليد = هل المطر وأطفا فتيل اشعالها
دنيا يقلبها اللي يفعل ما يريد = يا ما انفلت عند الفـَرج مجزالها
مات اللي مات ومن سلم عود يعيد = ثار أدار يضمنه رجالها
خصمه دنا وأبرم به حصار شديد = طمع بقول حصارها غوالها
ما يدري إن بالدار روس ما تبيد = الموت عن ذل الحياة أشوى لها
شهرين أوفى العام وأيام تزيد = دارو ا احصاره ما أفلحوا بأقفالها
هم بالعرا اوحنا نتخير من نصيد = لين العنت جهالها عقالها
عقبه تلاحوا واقطعوا رأي سديد = شدوا بلا طايل وحل اعقالها
وانشد بعد شمر وفرسان الرشيد = اللي إلى قاموا تقوم اجبالها
نـَـثارة الدم الحمر هجد وهجيد = تـِفرح وتـِفزع هدته وأزوالها
لا جت بهم دهم الرمك عرج قويد = محلا تنيزيها وصفق أذيالها
بالسطوة اللي عومست رأي العميد = في حبلة صادت رجل حبالها
فهيد بن سبهان يهددنا اتهديد = في سربة ما ثابها نقالها
مخباب قرم فرخ ابراسه صليد = من كف شغموم الراس مالها
واللي معه يوم أصبحوا ببلا عميد = شربوا بقايا الموت شرب اوشالها
تمت لأبو خالد بلا شرط وقيد = واستامنت من ظالم أسوى لها
واللي على الملقا نحش مثل الشريد = من لحه الغوجه تطاير شالها
يشعاه أبو تركي كما ذيب مفيد = امثلم خشوم طغاها شالها
اللي بعزه لبست الثوب الجديد = لملم نزايعها وشد عقالها
قبايل أمدح لها وأمدح وأزيد = كل يعرف أقوالها وأفعالها
ونوه ابساع لها مثل البريد = محمد البريكي عوض جوالها
اللي وعد من جوده وأعطى صديد = وجه يتمه إن وفى ووفى لها
وأبا الشحم راع الكرم نعم القعيد = شد الوصل بين القعد ورسالها
هذا قليل من كثير نستعيد = به ذكريات سجلوها ارجالها
يوم المثارى وا عسى الله ما يعيد = يومن به الفتنه تجر أذيالها
تخص دار ما لنا عنها محيد = دار لنا اوحنا لها حنا لها
عنيزة اللي ما نبيعه بالزهيد = لا فرعن البيض نحمي جالها

أخوي / فارس الجراح بعد التحية صح لسانك ومن هو الشاعر القائل للقصيدة العصماء واسلم وسلم والسلام .