[خيَّال الغلباء]

وهذه قصيدة الشاعر / سالم بن مشعان من بني عامر من قبيلة سبيع بن عامر الغلباء :

يا عويمر وارتحل فوق المعنا
= ما عليه إلا أنت والخرج وزهابه

البرابك والشماليل إمتلنا
= زين هجتهن عليهن من غبابه

لا هدر فيهن الجمل ثم شوّشنا
= كل ملحاً شوّلت بأول ضرابه

ربّعن ثم صيّفن ثم استونا
= ووردن عدٍ لهن حلوٍ شرابه

جعل غمرٍ باعهن يوم استونا
= جعل أهل بيته يقفونه ثيابه

فجاراه الشاعر / محمد بن جعوان من العرينات من قبيلة سبيع بن عامر الغلباء راع الوضح من نسل عليان :

يوم ابن مشعان يلعب ويتمنا
= قدّم المجهم على المغتر جوابه

الطرب شقحٍ يباريهن ضعنا
= يوم جاء للورد هوبال وضبابه

زينة الخرطوم ناتبها فحلنا
= هزعةٍ باسناد ما فيها حدابه

زين بالطرثوث لا قامت تحنا
= في سنامٍ مثل نصبٍ في سحابه

من شرى ساقان قادن وأشملنا
= من حدود العرق إلى صلب اللهابه

قدمها العسّاس وبيوتٍ تبنا
= تتبع السبعان ما تطرى المهابه

وفي ذرانا راعي الصالح تهنا
= الطرف ترعاه لو بيّن حرابه

كم شجاعٍ لا بلانا وامتحنا
= في مداس الخيل تأكله الذيابه

وكم خلوجٍ من ركايبنا تحنا
= من حلال القوم والطمعة كسابه

وكم هنوفٍ من سبايبنا تونا
= تبكي الغالي خطيرٍ في صوابه

وربعي اللي كاملينٍ كل فنا
= لا زبنهم مجرمٍ تضحك أنيابه

القبايل خابرينٍ فعل أهلنا
= يكتب التاريخ من عصر الصحابه