[عيسى السبيعي]

يوم ابن مشعان يلعب ويتمنا= قدم المجهم على المغتر جوابه
الطرب شقحن يباريهن ضعنا= يوم جا للورد هوبال وضبابه
زينت الخر طوم ناتبها فحلنا =هزعتن بسناد مافيها حدابه
زين بالطرثوث لاقامت تحنا= في سنامن مثل نصبن في سحابه
من شراساقان قادن وشملنا =من حدود العرق لصلب الهابه
قدمها العساس وبيوتن تبنا= تتبع السبعان ماتطري المهابه
في ذرانا الراعي الصالح تهنا =والطنف نر عاه من بين الحرابه
كم شجاعن لابلانا ومتحنا= في مداس الخيل تاكله الذيابه
وغيره الي يوم دسناه يتشنا =عض الابهم عقب خدمه للعصابه
وكم هنوفن من سبايبنا تونا= تبكي الغالي خطير من صوابه
وكم خلوجن مع ركايبنا تحنا= من حلال القوم والطمعه نهابه
ربعي الي كاملينن مل فنا= لازبنهم مجرمن تضحك انيابه