[مسلط 22]

بسم الله الرحمن الرحيم
شاعر وأبيات بكر هذال: بدر محمد السبيعي..
احد الشعراء الشباب الذين ظهروا على الساحة الشعرية، وقد اقام العديد من الامسيات الشعرية وهو شاعر رقيق الإحساس مرهف الشعور، شاعر خلوق ومتواضع، يطربك باشعاره الجميلة وادائه العذب.
تعال يا حرف القصايد والشعر قرب تعال ما تعرف ظهور المهار الا رجال خيالها
اكتب حروف البيت هذا بالذهب وسط الرمال ثم انقشه في سهلها وهضابها وجبالها
وفي حب الوطن يعبر بقوله:
حب الوطن في قلوبنا صعب ننساه والحب وسط القلب محدٍ يزيله
هذا الوطن زادت علينا عطاياه واليوم باذن الله نرد الجميله
عبدالعزيز اللي بني الملك سواه وشيد قواعدها بعز وفضيله
خلى لذيذ النوم للي تمناه ركب الفرس ومجاهدٍ في سبيله
والسيف مرفوعٍ على كف يمناه والبيرق الاخضر بكفه يشيله
رجع وطن جده من ادناه لاقصاه وماتت قلوبٍ من حسدها عليله
يالله تغفر له وتمسح خطاياه ثم تدخله جناتك اللي ظليله
وعن الوجد والبوح وما يختلج في الفؤاد من مشاعر الحب والحرمان قال:
حرمت عيني شوفتك لو دقيقه عز الله انه صابني هم وخلاف
تجود عيني بالدموع الغريقه لو اخفي دموعي ترى غصب تنشاف
يا وجد وجدي يالهروج الرقيقه ولا الشعر لا مال من فوق الاكتاف
ولا العيون اللي تسلهم طليقه اللي هدبها غريف القلب غرياف
والخد مثل البرق يبرق بريقه مثل القزاز اليا كشف فيه كشاف
والزول غصن ناعمٍ في حديقه يشرب قراح ولا بعد جاه قطاف
هذا الذي سافر وراح بطريقه سافر لداره وازرق الدمع ذراف
ومن اشعار السبيعي التي تتصف بالفكرة الجميلة والمعاني العذبة قوله:
يا لطيف ا لروح حبك نابتٍ بين الضلوع مثل غرسٍ نابتٍ في وادي ما باح ماه
تربته من قلبي المجروح وماه من الدموع والضلوع اللي سكن فيها تصونه وتحماه
عاش في ذيك الليال الماضيات اللي تروع بين هم وبين حزن وبين خوف وبين آه
حافظيه بالسنين والشهور وبالسبوع ما حدن يدري عن اللي شايله قلبي وراه
وانت ناوي بالقطيعه ما نشوفك يالقطوع ناويٍ تذبح خفوقي واعنا قلبي عناه
ما ترجينا الطماعه والطماعه للطموع شوفتك عندي تراها مكسب القلب ودواه
والله اني يا لطيف الروح رجال قنوع ما طلبتك كود نظره من بعيد وبالعباه
تعليق واحد 1 بدر السبيعي أفضل شاعر
يعتبر الشاعر بدر السبيعي من أفضل الشعراء الذين أثروا الساحه في الآونه الأخيره ووالله إني متابع له عبر القنوات الفضائيه والصحف والمجلات وحقق نجاحا وتميز في وقت وجيز ويتمتع الشاعر بدر بأخلاق عاليه وكلمه جزله صفق لها الجميع وأخيرا شكرا لجريدة الرياض على اهتمامها بالشعراء المتميزين والمبدعين فمن تقدم الى تقدم يابدرناصر عبدالعزيز التويجري
ناصر التويجري
11:47 صباحاً 2007/01/01
الاخ الشاعر بدر السبيعي السلام عليكم ورحمة الله وبركاته وبعد كل عام وانت بخير ومن العايدين وتستاهل يابدر الحفاوة والاكرام من جميع فئات المتوذقين لانك من المبدعين شاعر متقن حفظك الله ورعاك ونحن مقصرون بحق شعرائنا وانت سالم والسلام
--------------------------------------------------------------------------------