قصيدة أهديها لصديقة من السعودية
" من مركدة لجدة "
مثل القمر والقمر شامة بخده
لامن مشى حط بالقلب زلزالي
كنه عنودن من مرابي® جدة®
الناس دونه وهو بالعلالي يلالي
له عين سيف ويخرز بطارف حده
كل من يناظر،الله يرحم حالي
والا الشفايف لا سكون وشدة
حاجة غريبة وماهي من تخيالي
والخصر لا ما ينحصر في مده
موج وتلاطم وآني رماني بجالي
والا الشعر لامن يداعب خده
كنك بجنة ومقابلك شلالي
رقة مشاعر والحنين برده
وغيره تبتل لكن بقى بالتالي
يصعب على شعري يتدامن حده
دامه ذهب والبشر من صلصالي
ضايع تراني بين جزره ومده
لاهو يصد ولاهو يحس بحوالي
ما أقدر أعشق غيره قلبي بيده
مولع ملوع عاش بشقى دلالي
وجمرة يصير القلب والحظ ضده
لامن تذكر منزاله ومنزالي
ولمن عرفته من مضارب جدة
هل الدمع مثل المطر سيالي
والدمعة يلي لمست نعومة خده
ياليتها سكر يجي بفنجالي
وأما يحن لقلب ناطر رده
والا أفش قهري وأزت جوالي
الشاعر : حميد الوافي أبو الحارث