رد : من روائع التراث 000قصائد مجهوله
كُتب : [ 02 - 08 - 2008 ]
القصائد التالية استمعت إليها من عازف الربابه / طلق الرجعان وأعجبتني أتمنى من رواد هذا المنتدى معرفة قائلها
يا بنت ما نية المعروف بطلابه = كلمه وزلت وعنك الغيض مطروحي
خلصت مخلاص ديان وطلابه = واللي يبي خاطرك في يمته روحي
يا بنت درب الهوى ما غلقوا بابه = تراه يا بنت للعربان مفتوحي
حبك تزلف وزل وكمل حسابه = واللي مضى راح كنه لعب ومزوحي
الحر لا من نزع من كف قضابه = لا طار جزعان ما ينكس على اللوحي
مرقب يا عل وبل السيل ما يسي جنابه = حيث ذكرني زماني والليال اللي مظني
ونتي ونة صويب قام يشكي من صوابه = ما يذوق النوم ليله مع نهاره ما يوني
أو وجود اللي يشوف أخوه طايح بالضبابه= هاش دونه لين صابه بأبهره رمح المطني
أو وجود غليّــم حظه من القدره رمابه = عند عماتٍ عساهن للتلف ما يرحمني
أو وجود اللي حزم كلاب والمحمل غدابه= دش في بحر الظلام اللي غريقه ما يوني
منك يا راعي ثمان مثل غزلان السحابه = أو تشاد القحويان البيض يوم يوصفني
أنت خليت الضماير مثل وديان خرابه = لا تشح بوصلكم يا سيد الخفرات عني
وأنت بيحت العزا اللي قبلكم ما أحد درابه = يالطيف الروح ما مثلك يبيح مستكني
يوم أناظر نهار العيد مالك وصايف = كود صفرا حدر شيخ زهته الجنيبه
المطالع ليا شافك جداه الحسايف = يا عذابه ليا شاف النحر والذويبه
وإن نقضتي عكاريش سواة السفايف = يا عذاب العذارى منك جتهن غليبه
والله إني مبي من بد كل الطوايف = غير لاماك يا راع الهروج العجيبه
ليت من ينهبك من فوق زين الخلايف = مير ما أقواك وين اللي يحوشك نصيبه
بيض الله وجهك يا أبو سعد أبيات رائعة واختيار موفق
الحر لا من نزع من كـف قضابـه
= لا طار جزعان ما ينكس على اللوحي
لك شكري وأطيب أمنياتي وخالص تحياتي وتقديري .
|