رد : هذه القصيده مرثية في الشيخ/ مطلق بن راشد الجرد المليحي
كُتب : [ 05 - 08 - 2006 ]
يالـلـه يـارب لـرحــمـتـك راجـيــن= يالـلي بيدك أمر القضى والمنية
ياغـافـر ذنـب العـبـيـد الـمـصـلـيــن = المسلميـن أهل الـقلوب الـتـقـية
ياخـالـق خــلق البنـآدم مـن الـطـيــن = ومكونه في حسن صوره وهيئه
والـعبـد لو عمر مـن الـعـمـر قرنـيـن =كــنهـا نـهـار الأمـس ولاقفـيـة
المـوت هـو سنة حـيـاة المـسلــمـيـن = وعمر البنآدم في جـبـيـنه وصيه
إن ترحم الـلي منـهـجـه مـنهج الـدين =الخـير الـلي سـار سـيـرة نـبـيـه
الجرد مـطـلـق لاغدا الـجمع جـمعـين= في الطيب تـشـهـد له جميع البريه
أبـو اليـتامـى والصـغـار المـساكيـن= وعون الضعيف اللي عزومه ردية
ومنصى الرجال اللي من البعد عانين = يـنـصـاه من كبرت علـيـه القضية
في مـجلسة تلقى الكرم والـكريـمـين= وتلقـى سوالـيـف الرجـال الطريه
شفته مريض وذرفـت دمـعة العـيـن= تـسـابـقـت دمـوع عـيـنـي جـريـة
أبــكـي ويـبكـونـه رجـال مـسمـيـن = والـمـوت حــق وما منه مـجـزعـية
ويـقـول أنـا بروح منـهـا على زيـن= راضي وجـعـل الـله راضي علـيه
لو ينـفـدي عمـره دفـعـنـا مـلايـيــن= والــــروح والـلي يمـلـكـنـه يـديـه
ودونـه يفادون القـريب والأقصـين = حـيـثـه كـفـو راع الـوفا والحـمـيه
يالله عسى قبره نـهـور وبـساتـيــن = وعسى تحـقـق لــه شـفاعة نـبـيـه
ويعل له من جـنــة الخـلــد بابــيـن =يـدخـل بـها راع الـعـلـوم الـرضيه
عـسى مـقـره جنـة الـخلـد عـلـيـن=يـنـعم بـخـير وفـي حـيـاته هـنـيـه
|