ديرة هلي
يجظ قلبي مع هل العز والدار
ديرة هلي دار الوفاء والمواجيب
تذبحني الذكرى وبها الفين مقدار
أصيح للي يرفع أغلى النواصيب
صيحت أسير يحمل الشوق وأحتار
عز الله أني فاقد الروح يا ذيب
أسري على نور الفكر دوم مسيار
لكي سرق حسي بطيب ورى طيب
كفو ولابه فعل أو نقص يندار
أبحرت للمطلق بشيمة وترحيب
يا شيخ وسمك صاح ليه وأنا جار
كله معزه ترفع الرأس وتجيب
تجيب لي الميقاف وتزين أشعار
شعر ينسنس في ضلوع المطاليب
ينمد في جوفي وينجرز في النار
صمم لي الابيات في بحر ما يصيب
شوق لداري يلعب الحب وأختار
أختار وجدي من عما الوجد ما يغيب
الله اكبر صار لي شي ما صار
غير القلم يكتب لي الحس ويصيب
وأخذ بصمتي كل شي لي أعذار
والا الجنوب الشوق له دوم ترتيب
يجظ قلبي مع هل العز والدار
ديرة هلي دار الوفاء والمواجيب
كلمات
الشاعر /نواف السراد