عرض مشاركة واحدة
 
غير متصل
 رقم المشاركة : ( 1 )
عبدالله الحضبي
عضو هـام
رقم العضوية : 467
تاريخ التسجيل : 25 - 09 - 2003
الدولة :
العمر :
الجنس :
مكان الإقامة : السعوديه - الخرمه
عدد المشاركات : 363 [+]
آخر تواجد : [+]
عدد النقاط : 20
قوة الترشيح : عبدالله الحضبي is on a distinguished road
الأوسمـة
بيانات الإتصال
آخر المواضيع

التوقيت
تعيش ياحر تعدى المراقيب

كُتب : [ 21 - 08 - 2016 ]


قصيدة في الشيخ سعود بن حمود بن قعيد العامري السبيعي
سلام ياشهم تربى على الطيب=سلام يارجل عزيز وغالي
تعيش ياحر تعدى المراقيب=حر ولد حر على الرجم عالي
يحتار فيه الشعر شرق وتغريب=رجل عزيز النفس ماله مثالي
معروف بالوقفات راعي مواجيب=وصلف على الصكات مابه جدالي
قصدي سعود ولابها شك او ريب=سعود ابن قعيد بين الرجالي
بين الرجال اللي توفي المطاليب=شيخ ولد شيخ ونال المعالي
ومدرب في كسب الامجاد تدريب=تشهد له الافعال باول وتالي
مشهور عند اصحابنا والاجانيب=تقول نجم الجدي قطب الشمالي
واول كلامه يبتدي بالتراحيب=ضار على الترحيب قرم العيالي
وصلاة ربي عد ذاري الهباهيب=وعد النجوم وعد طلع الهلالي
على شفيع الخلق في يوم اصعيب=عند الولي ربي عزيز الجلالي

الشاعر محمد نافل حطاب السبيعي

---------------------------
قصيدة في الشيخ سعود بن حمود بن قعيد العامري السبيعي
يابن قعيد ياعريب النسايب=يابن حمود الله يعديك الاسباب
ياسعود ياشيخ يفك النشايب=يوم العلايق مايفكون الانشاب
المرجله بين النشامى وهايب=وزعتك منها قسم ابو زيد وذياب
يانعم يابن حمود حاضر وغايب=تنشر لك البيضاء على كل مرقاب
من روس قوم يقتضون الصوايب=لا كلح الشارب على روس الأنياب
من عزوة يوم اصطفاق الهبايب=سور ورى سور وباب ورى باب
سبيع يوم ان اشقر الدم رايب=يردون حوضٍ دونه القوم هياب
طريحهم تبنى عليه النصايب=وصويبهم ياخذ زمانين ماطاب
قوم ليا ركبوا وسوق النجايب=اخذوا بنات العرب من دار الاجناب
قوم ليا جاء للثميدي شبايب=تشبع سراحين الخلا روس ورقاب
ياسعود أنا راسي من الوقت شايب=شايب وغيري واحد منه ماشاب
في وقتنا ياسعود مخطي وصايب=من ذا الذي يخطي ومن ذا الذي صاب
من لا يدوس الراي دوس الصعايب=داسوا على يمناه عكفان الاشناب
الهين اللي مايسد النوايب=ملح ليا حول عليه الندى ذاب
عايب ومن يصبر على العيب عايب=نقص على الربع القريب والاجناب
واللي يبي من مال غيره نهايب=هذال يقولون الرياجيل نهاب
لا بد من يوم يشوف الغرايب=ايضيّع الحسبه ولو كان حساب
يطيب له ولا على غير طايب=ماله عن اللي تكره النفس مجناب
صحيح من قال الطلايب غلايب=للشر طلاب وللخير طلاب
الجيّد اللي للمهمات نايب=ينوب عن شيخ القبيله ليا غاب
هذاك شوق منسعات الذوايب=حلي ابن هندي وراكان وعقاب
يستاهل الفنجال الاول غصايب=غصب على خايب وكاذب ونصاب
من عاش في الدنيا يشوف العجايب=لا بد مايلقى المكاره والاعجاب

الشاعر مصلح بن عياد الشلوي


رد مع اقتباس