[الممتع]

قصيدة رائعه و مؤثرة

ولكن اريد ان اصحح المعلومة الا وهي أن راشد بن دباس وليس محمد بن دباس لم يكن يسكن في بلدة الخرج وإنما كان يسكن في بلدة عودة سدير الواقعة شمال غرب مدينة الرياض بحوالي 170كم

وللتأكد فإن هذا البيت الذي اورده راشد بن دباس في قصيدته يدل على انه كان يسكن بلدة العودة

تسرح من العوده على نور الأنفاس.......عند الفجر والليل مقفي مريره

القصيدة في الأعلى ناقصة بعض الشيء
وهذه هي القصيدة بالكامل

فقال راشد أبو دباس :
>ياونة ونيتها من خوا الــراس ........من لاهب بالكبد مثل السعيره
>ونين من رجله غدت تقل مقواس........ويون تالي الليل يشكي الجبيره
>ويامل قلب مثل بن بمحماس........وياهشم حالي هشمها بالنقيره
>ويا وجد حالي ياملا وجد غراس.......يوم أثمرت وأشفا صفا عنه بيره
>من ثمر قلبي سرى هجعة الناس.......متنحر درب عسى فيه خيره
>الله يفكه من بلا سو الأتعاس........ومن شر عبثات الليالي يجيره
>في ديرة تقطعت عنه الأرماس........سبعين يوم للركايب مسيره
>لا والله الا حال من دونه اليأس.......حط البحر والبر دون الجزيره
>يا الله يا اللي رد من عقب مايأس.......يوسف على يعقوب وابصر نظيره
>ترد علي دباس يا محصي الناس.......يا عالم ما بالخفا والسريره
>يا دباس بأوصيك صن درب الأدناس.......ترى الذي مثلك يناظر مسيره
>عليك بالتقوى ترى العز يا دباس.......في طاعة اللي ما ينجيك غيره
>هاذي ثمان سنين من رحت يا دباس.......لا رسالة جتني ولا من بريره
>يا دباس عقبك ترى البال محتاس.......وعليك دمع العين حرق نظيره
>وعليك كني في دجا الليل حراس.......أصبح على حيلي وعيني سهيره
>أصبح أنا ما بين طاري وهوجاس.......وطواري تطري علينا كثيره
>مثل الوحش قلبي على كف حباس.......يكفخ كما طير سبوقه قصيره
>متحيّــر من عيلــة البيــت يادبـاس.......أرجي ثواب الله وأخشى المعيره
>أخاف من حكي العدا ثم الأنجاس.......أهل الحكايا الطايله والقصيره
>ويقـــال خــلا عيلــة عنّـــز الـراس.......أقفى وخلا عيلة له صغيره
>والا فأنا يابوك قطاع الأرماس.......ما نيب مثبور أو رجلي كسيره
>آصلك لو دونك نبا حمر الأطعاس.......الصلب والصمان ماهي عسيره
>مهالك مدارك ما بها أوناس.......الا الثعل والبوم تسمع صفيره
>لأركب على وجنا من الهجن عرماس.......فجا النحر يا دباس حمرا ظهيره
>متـــروسة الفخــذين مزبـــورة الـــراس.......كن الخلاص عيونها مستديره
>أو شبه ربدا تخفق للأوناس.......ان رفعت جنحانها مستذيره
>تسرح من العوده على نور الأنفاس.......عند الفجر والليل مقفي مريره
>والعصر با لصمان تسمع لها اضراس.......حبل الرسن خطر تبتر جريره
>نهار ثالث بين حما والأوراس.......واره يمينك جعلها لك سفيره
>ثم على ساجية تقلب الرأس.......تمشي بأهلها في البحور الغزيره
>فيها الطبيخ وراهي الخبز يا دباس.....يقعد خوا الرأس خنة خميره
>هي ديرة اللي باغي كيفة الرأس......ولا له أحد همه من الناس غيره
>هيس ولد هيس للمواعين لحاس......يفرح ليا نيدي لذبح النحيره
>وما قفك ذا يا دباس ما فيه نوماس......يصلح لقـين مهنته طق زيـره
>ترى الفداوي دون وانشد الناس ......راعية ما يذكر بمدح او غيره
>ما له سوى طق الحنك منه والياس ......وليا انقطع خرجه فلا له ذخـيره
>طلب المعيشه بالحراثه والأ جناس......المشترى والبيع يوصف وغيره
>قم انهض العيرات مع كل فراس......يا دباس دور خير تـستشيره
>جدك وعـمـانـك هل العزم والبأس......أهل المواجـب مـكمليـن القـصيره
>يا دباس ما يصبر على البق والحاس ...... الا الذي ماله بـنـجـد عشيره
>واليوم يا مروي شبا كل عباس...... أنت الرجا يا كعام وجه المغـيــره
>عشرين عام كلها ارجيك يا دباس ...... مثل الغرير اللي تولع بطيره
>عدل المناكب هليع فرخ قرناس ...... يمناه في لطم الحباري شطيره
>عانق خلوج روحت عقب مرواس ...... عند العصير لبيضها مستذيره
>والليل جاها وحال من دونها الياس ...... روحها عل فرقاه فرت فريره
>يا دباس أنا يا بوك ما نيب بلاس...... مير ان عيلات الرفاقه كثيره
>جنبت وسط السوق وامشي مع الساس...... واخذ شوي الحق وأترك كثيره
>يا دباس لو جبت من دحب الأكياس ......مختلفة ما بين رز ونيره
>ما لي بها يا جعلها بألف قباس ...... او جعلها تذهب ولو هي كثيره
>يا دباس قلبي كل ماهب نسناس ...... شرقية هبت بقلبي سعيره
>والحال يافرز الوغى مسها الباس ...... عليك يا ناطح وجيه المغيره
>وغصون قلبي يا فتى الجود يباس...... غاد أنا يابوك كني هشيره
>من شافني يقول ذا فيه لساس ......واللي برا حالي الهي خبيره
>لا وعلا من قبل غـــوال الأنفاس...... ومفارق الدنيا يجينا بشيره
>عسى يطق الباب والناس غطاس...... يا والي القدرة عليك تعبيره
>وصلاة ربي عد ماهب نسناس.......على النبي عدة حقوق المطيره