[أبو يزيد]

من ديرتاً شرقي الطائف شمال الغريف=يمطر سماها فخر وترابها يرتوي

:

أتى هذا الصوت الشجي والحس الراقي والشاعريه المتدفقه لتعيد لنا احاسيسنا همومنا أشجاننا,
أتى ليقول لنا إن الشعر هو لغة البسطاء يلتقط كلماتنا ليعيدها لنا عندما تتلعثم في شفاهنا ليمنحنا النشوه ,في لحظات فرحنا وإلمنا,
إبوفهد أنت قريباً منا فلا تبحث عنا في رهانات خاسره,نعلم علم اليقين بأنك تجاوزت مرحلة البحث عن الشاعريه في عيون المتذوقين بأختلاف إذواقهم.
مدغم إبوشيبه شاعر يلتقط كلماتنا وإحاسيسنا ليعيد صياغتها ويرجعها لنا بلسماً ترياقاً يروي عطشنا ,عندما تتلعثم الكلمات ونتمتم بدون بوح نجد من هناك صوتاً شجياً وأحساساً صادقاً يتوغل في عقولنا وقلوبنا ليقرأ لنا كف الزمان,ويقول لنا هذا احساسكم وهذه مشاعركم خذوها مني سأوصلها لكم برقي فكري وسلاسه وعمق احساس,
عندما إجد نفسي تهفو الى فنجان قهوه ,إتذوقها بطعم الزعفران لانها من سمي الزعفران وهل هناك إجمل وإنقى وإثمن من الزعفران في فنجان قهوه ,ترتشفه شفاه وقلوب وعيون تبحث عن الجمال.


:

مدغم قلت ذات يوم:

علم عيونك لا تطول في الكلام ولاتقـــــــــــــول= قدام اعرفك مابعد شفت النجوم القايلـــــــــــه
خلك ترد العلم عني قبل سالفتك تطــــــــــــــول =رد الرواه اللي يردون الكلام لقايلــــــــــــــــــه
ضيعتني وضيعك ربي في مضيعت العقــــــــول= من يوم اخايلها وانا ماكل برف اخايلـــــــــــــه
وأن ضيعتني ضحكت(ن)بشفاك يادين الرسول =وغديت ملح(ن)ذاب فصه في شعاب السايلـــه
وحلمت بأنك عرش في قلبي على كف محمول =وفسرتها إن العرش هو حبك وانا اللي شايلـه
وإذا نشدت الناس قالو يامغفل يامهبـــــــــــــول =حلمك بعيد ولو تمد يديك منت بطايلـــــــــــــــه
يارجل وجهك بالرضى والملح والدين مغســول= من حيث لا تعلم عمل فيك الزمن عمايلـــــــه
مامات من ظلم الغرام الا الحياوي والخجــول= تحدهم سوء الطوالع في الحظوظ المايلــــــه
غاياتهم تحبس وتبقى في خواطرهم تجــــــول= مثل الذي يمشي على إستايل ماهوب إستايله
مدري ملكتك ما ملكتك واتباهي والفضـــــول= يقول مالا تنتظر ياجايلك يا جايلـــــــــــه
خل الحسود يموت في ثوبه يقول او ما يقــول =لاواهني اللي يحط إسمك بكرت العايلـــــــــــه

:

آه يادين الرسول يامدغم


:


الست القائل:

والله أنّي جيت ماني بمحدودي=ماخذك من زاوية .. طبّ وتخيّر
لين خوفي من مسامير الكبودي=ردني لأجيك ضيف !! ولا مسيّر
والغلا زاد وتعدا بي حدودي=وأنت ما ترحم كبيرك .. يا صغيّر
لا رحم جدّك تقول انّك يهودي=ما تقول أنّك بري وإنسان خيّر
يا بري حالي عليك !! ويا وجودي=أحسب أنّك في يدي شيكٍ مجيّر
لين جيت ورحت ما شدّن عضودي=من حبالك لا طويل .. ولا قصيّر
والحسود أن عاد وإلا لايعودي=جعل ماله فوق وجه الأرض ديّر
كل ما يقتادني للموت قودي=ما ذكرت الا أنت !! يالريم المذيّر
يا أنتعاشي في الحياه .. ويا وقودي=دلّني لا صرت بالراي متحيّر
لو تذعذع بك رياحيني .. و نودي=النصيب أن ماتسيّر .. ماتسيّر
لا يهمك لا عذول !! ولاحسودي=هد روعك ياحبيبي لا تطيّر
أنت حبّك كنّه ( الحكم السعودي )=ثبّته ( عبدالعزيز ) ولاتغيّر

:

لو تذعذع بك رياحيني ونودي=النصيب إن ماتسير ماتسير

:


هنا سأقراء بصمت:

ياقصيدي وانت حملك مثل حمل السلاح=من صناعات الفض النزاع مطوره
خلق وجهك من حجا ضلع واشراقة صباح=دم تجمد في وريده ودم تفوره
من خلالك لي على الكون منفذ وانفتاح=ارسم احلامي على واقعه واصوره
الحصون اللي عليها منصات الكفاح=انشد اكبرهم من اللي بناه وسوره
سقت ذودك للمفالي وقاد من المراح=واعترض في دربها نابحه ومخوره
النجاح يشيل جرحه من اعداء النجاح=والمثاليه تعاني من المتهوره
والفتاوي تختلف شي حرام وشي مباح=وشي لو تقنع به العقل مايتصوره
نستمع لله اكبر وحي للفلاح=المساجد عامره والقلوب منوره
وندري ان ماكل مذن بلال بن رباح=لو يقول الشمس حمره والارض مدوره
المهول لو خدعنا وخذنا بالصياح=واشتكى من رجله اللي مهيب تعوره
حيلة ما تمشى الا على الناس الصحاح=احبكتها عالم مهوله ومجوره
والطيور اللي تهاوى بمخلاب وجناح=لا تعشى صيدها واحد مادوره
مايحصل راحة البال واطلاق السراح=من تورطله بخمسة صكوك مزوره
فرد حمزه حسب تقرير دايرة السلاح=فيه واحد غير حمزه هو اللي ثوره

:

ابوفهد سأعود لهذه الصفحه لارتشاف فنجان قهوتي بطعم الزعفران


:


سأكون بالجوار


:



: