يامرحبا ياكعام العايله
اي نعم انا فكاك النشايب في منتدى العجمان وانا سعد السبيعي في باقي المنتديات واذا ماخاب ضني انت الجنوبي
وياليت تثبت على محل نتناقش فيه اما هنا ولا في منتدى العجمان
وانا بنسخلك ردي في المنتدي
يامرحبا ياكعام العايله
القصيدة لمجري بن ذيبان من ال روق من قحطان
ياراكب من عندنا فوق زفزوف *** يشدي ظليم فالخلا مفرع له
ينصي الشريف اللي على الناس له نوف *** والطيب لمن ضاع هم هل له
تطري ابن ضاري له العصب ملفوف *** وراس السنام مقلطه حشمة له
ذزوه ربعي بعرينات وسيوف *** والشيخ جعلنا الله قدرة له
انا من ال محمد غدة الجوف *** سعد القريب وللمعادين علة
//////
قصيدة الشاعر طويل الزمح او الرمح الهاجري
صالو وداجت بأقصى نجد خيلهم *** يوم على تين تعزا كسايبه
لاكن جثايا الخيل من غب كونا *** هشيم نخل خاوي في زرايبه
شاق الشريف الغرس من دون قومه *** من عقب زومة شتت الله شعايبه
هذا لعنا اللي لفتنا ركايبه **** يرفع بصوت ودمعة العين رايبه
ينخا بني هاجر وينخا قبايله *** ومن ضيم عدوانه قريب حضايبه
/////
والمقصود في البيتين الاخيرين امير قبيلة قحطان ابن قرمله
//////
ويقول محمد بن جبرين من امراء القويعيه بخصوص القبايل اللي تنسبها لغير بني هاجر وقحطان
((( خواطر سانحات وردود واضحات على من يعزون معركة تين لغير بني هاجر وهذه المعركة معروفه ومشهوره ويتناقلها الرواه خلف عن سلف ومن العيب والعضل ان بنسب الشئ لغير اهله ))
وقال بمناسبة هذه القصيدة
القصيدة طويله وانا بختصر منها المفيد
هواجر لاثار عج الزحامي *** يروون حد العود من غير تقصير
تاريخهم مشهود شرق وشامي *** يوم السريا في عقب كل شرير
يومن على تين اكفهر بظلامي *** معارك يشبع باها الذيب والطير
قفا الشريف بحسرته مايلامي *** مهزوم مكسور الجناحين كالطير
عبد الشريف يشوف والجو حامي *** لاشك صور القوم تصوير
ايضا ثنا رجله صليب العظامي *** ويشهد شهادة حق مافيه تزوير
اصبح جزاه مشوكك بالحزامي *** حتى ان شعره مايجي بالتعابير
ومثل ماقلت اثبت ياخي العزيز قصة زبنة القبايل الثلاث وهي سبيع وقحطان وعتيبه ومدري شنهي القبيله الرابعه
مع اني اظن انه جمع كل القبايل في القصيدة هذي يعني بالاصح انه قصدية هجى في القبايل كلها
تحياتي لك
اخوك / سعد بن شايع