[المستــحــيـــل]

رحلة شباب اعضاء المنتدى يترأسها كبيرنا ابو عمر

السلام عليكم ورحمة الله وبركاته

مساكم الله بالخير اخواني الافاضل

في يوم من الايام وانا جالس من الطفش والفضوه طرأ علي لو انا كاشت هالحين مع

بعض الشباب ماهو احسن من هالجلسه الي مالها داعي .

وقمت عاد اتخيل لو اني كاشت مع بعض الأخوه اعضاء المنتدى .وطلع معي هذه الرحله

بسم الله نبدأ القصه

المشاركون في الرحلة هم :

انا ( جايب الدفتر والورقة واسجل الاحداث )

ابن جرح) شايل معة الـلاب توب .. ومتحمس )

قاهر الظلام ( توة شاري لة كبوس ابو خمسة ومستانس )

البارع2000 ( شايل دفتر الخواطر معة .. والله مو ناقصين هموم )

سعد بن جراش ( فرحان ويطامر ومن يوم ركبنا الباص واول طلعة برية لة )

البدر ( طباخ الطلعة المحترم ) الله يستر

أخو شما ) من ركبنا الباص وهو كل شوي يسالني انا واحد ولا ثنين )

()
العويد) مسوي زحمه .. كل شوي قط حكمة )

الواسطة)ما رضا يطلع الا لازم يطلع ابو عمر معنا )

ابن براك) في الفلسفة والتفاهم )

ابو عمر )سواق الباص وياويل الي يشغله في السواقه )

وقد تخلف عن الرحلة باقي الاعضاء لان ولي امرهم ( متشدد بالقضية )

تحرك الباص من موقع الانطلاق ( طبعا كلنا تجمعنا في الرياض علشانها العاصمه المهم

تحركناالساعة 8 صباحاً

حتى وصل الى بُعد 100 كيلو لطريق الثمامه وبعد ما وقف الباص و نزلنا العفش ...

بدى التفكير بموقع التخيم .. وووين نحط الخيمة؟

ابو عمر يقول( حطوها هنا علشان الهوى اتجاهه كذا )

وجاة ابن جراح ويقول ( لا انا مش معك بهذا الكلام لمفروض نحطها هنا علشان كذا

وكذا ..)

وشوي ويقوم- البكس - بس تدخل الواسطة وبن براك وفرقوا بينهم ..

وجا البارع 2000 وقال ( اقول فكونا من هالكلام الفاضي , حنا جايين نستانس ماهو

جايين نتهاوش )

وخش سعد بن جراش) اقول حطوها هنا و ومن احد تكلم طلعت لة المسدس ) ههههه

كل الشباب تخرعوا منة حتى انا ..

المهم بعد ماخيمنا .. وعينا من الله خير

وبعد السوالف والحش في عيال المنتدى ههههههه

جا قريب العصر وقال اخونا أخو شما ( يالله نبي نلعب كووورة )

طمر اخونا قاهر الظلام والعويد وتحمسوا للكورة وكنت انا الحكم .

وفي خلال المباراة سجل اخونا البدر - واحد - هدف بالراس

وانا اللغيتة لانة لمست يده ,,, وجا الواسطة لي وقال ( وشفيك انت هذا هدف لية

ماحسبتة )

قلت لة( يابن الحلال شايف الكورة لمست يده ) المهم ويجي بن جراح الي كان مع

البدر في الفريق

ويقول لة ( المستحيل غشاش ) قلت لة ( يبن الحلال مانيب غشاش وهذا الي صار )

وجا ابو عمر وقال ( الغش راح يبين .. ياالمستحيل وبنشوف للأخر من هو يفوز ولاتحسبة

هدف مانبية )

ههههههه ضحكت علية قلت لة (ههههههههه وانا بحسبة اصلا ههههه )

خش سعد بن جراش علي عرض وعطاني كف وقال ( بتحكم زين ولا نخليك ترجع مشي )

قلت ( افاااااااااا هذة اخرتها يا سعد بن جراش ) رد وقال ( لا هذة بدايتها هههههه )

ويضحك الله يرجة.

وبعد ساعة ونص من العب والتعب انتهت المباراة بهزيمة ساحقة لفريق الواسطة

واصابات طفيفة للاعب البدر والاعب العويد وسعد بن جراش و المستحيل حكم المبارة

الذي تعرض لكم من البكسات والكفوف الغليضة

وكانت النتيجة 16 - مقابل 3 << تقول مباراة كرة يد .ههههههه

المهم جا قريب المغرب وتقهوينا وسمينا بالله وجلسنا نسولف مع بعض الين جا وقت

العشا
وقلت للبدر) هاااااا وش بتطبخ لنا اليوم انشالله بشميل معكرونة بالجبنة )

ههههههههه قام وضحك ورد علي وقال

\( بتشوف المندي الي بسوية وبتاكل اصابعك وراة ) قام ابن براك ينكت ويقول ( بياكل

اصابعة وراة ولا قدامة) هههههههه << ظريف

المهم خلص العشا والبدر ينادي الشباب ( يالله اقلطوا العشا جاهز ) وكل واحد عصافير

بطنة تصفر ومتحمس للعشا ,

واول ما مديت يدي قلت ( بسم الله ) واذوق طعم المندى إلا مليان ملح ..

حسبي الله عليك يا البدر وش هببت .

المهم انا سكت وقلت ماني متكلم وما ابي احرج البدر عالطبخة المنيلة ,

وشوي الا قاهر الظلام قاعد يكح - كح مو طبيعي - من الملح الزايد - واعطية مسكين

الماء وانا اغمز لة غمزتين .

وهو فاهمني وش اقصد بالغمزة .. ههههههه الله يرجك يا البدرعلى هالعملة .

وابداً ما حد تكلم على العشا .. وكلن يناظر الثاني متعجب .. والبدر منزل راسة منحرج

مسكين ومالة وجة

وبعد العشا جلسنا مع بعض وتقهوينا وشربنا الشاي وسوالف طبيعية ... بعدين طمر

اخونا أخو شما وقال ( يا بو عمر وشرايك

اليوم بطبخة ) رد ابو عمر وقال ( افا عليك بس .

مابقى ملح بهالدنياماحطة البدر ) وككككككككككككك هههههههههه

الكل قام يضحك ,,,,,,, الله يرجك يا ابو عمر خربتها ) ههههههههه

المهم قربت الساعة 10 وحركنا وكل واحد راح المكان الي ساكن فيه وعلى

طووووووول قال البدر

) ههههههههههههه

انشالله هذة الطلعة تتحقق ....

وانتهت الرحله على كذا......واخير

لا حد يزعل منا .. اذا غلطنا علية ولا زودناها معة ..

ترى كل الدعوة وناسة وفرفشة شباب في رحله

ولا يزعل علينا الي ماطلعناة معنا البر

انشاء الله يطلع معنا المره القادمه

تقبلوا خالص تحياتي